Whenua Hawhekaihe O Te Waipounamu.

H. K. Taiaroa.—Patai ki te minita Maori, mehemea kua whakaotia te ruri i nga whenua me nga Tekiona mo nga hawhekaihe i runga i nga tikanga o te ture karati mo nga hawhekaihe o te Waipounamu a mehemea kua oti awhea whakaputaina ai nga karauna karati. E hiahia ana ia ki te whakamarama i te tikanga i patai ai ia i tenei kupu. No te mea i pahitia e tenei Whare he ture i mua hei whakahaere i tenei mea. Ki tana mohio kua oti nga ruri; erangi kahore ano nga karauna karati i whakaputaina, ko tetahi o nga whenua kua wehea kua tangohia hei mea ma te paro kaunihera. Kua maha nga tohenga kia whakahokia mai te whenua erangi kihai i taea.

Te Paranihi.—Tana kupu whakahoki i mea kei te mahia nga ruri meake ka oti. Ko etahi o nga karauna karati kua oti noa ake te whakaputa mo nga whenua i te Takiwa o Katapere; kua tuakua atu nga tono kia hohoro te whakaputa i nga toenga o nga karati.