[Translation.]
No. 118, 1890.—Pukapuka-inoi a Tamati Hakini Mete.
E tono ana te kai-pitihana kia whakahokia ki aia ana moni i utua e ia mo te hoko i tetahi piihi whenua i nga Maori hei whakaea hoki i ana moni i ngaro i runga i mahi he a te Kawanatanga.
Kua whakahaua ahau kia ki penei: I tukuna ano he ripoata mo runga i tenei pitihana i te tau kua hori nei a i tono te Komiti kia tukua nga moni e tika ana hei whakaea i nga hua o ana moni. A e whakaaro ana te Komiti ko nga moni e toru tekau pauna i meatia kia utua ki aia kihai i ranea me te tono ano kia whakanekehia ake ki te £50 hei whakaea i aua hua, a hui katoa ka tae ki te £100 hei whakaoti i tana tono. Heoi kahore he kupu ke atu a te Komiti.