[ko te tohutoro i roto i te reo Pākehā]

§ 29.

A, ko tenei Ture, kahore e kowhiti tangata. Kahore rawa ano hoki a te Ture pera. Ki ta te Ture, he ahua kotahi to te tangata; kotahi hoki Ture mo katoa, ahakoa Maori, Pakeha ranei; kiri ma, kiri mangu ranei; rite tonu. A, he teka te ki, ma te rongo ki te Ture ka hoki ai te rangatira o te tangata, ahakoa Pakeha, Maori ranei. Kahore; erangi, ma te rongo ki te Ture, ma te hapai i te Ture, ka rangatira ai; ta te mea, ko te Ture te mea nana i whakanui te tangata, i whakarangatira. Ko te Ture tona Kai-tiaki e noho tika ai ia i runga i te ora me te rangatira.