Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

The Laws of England, Compiled and translated into the Māori language.

§ 28

[ko te tohutoro i roto i te reo Pākehā]

§ 28.

Na, whakarongo mai ki te take i tuaruatia ai te whakaturanga o te tangata e whakapaea ana ki te Hara-Kirimina nui ki te aroaro o te whakawakanga; ara, i matuatia ki te Kai-whakarite-whakawa, muri iho, ki te Kooti Hupirimi. Te take, he hopohopo no te Ture ki te tangata. Ki ta te Ture, kahore he mea nui ake i te tangata; na reira, ka tupato rawa, ka manawapa; e kore e whakamatea noatia, e kore e herea noatia. Ekore e mahi porangi te Ture. Engari, i whakaritea e te Ture kia kawea ma tetahi Tamuaki o nga Kai-whakarite-whakawa, ma te Runanga Huuri hoki, ara, ma etahi o ona hoa tangata nei ano, tekau-ma-rua, ma ratou e kimi te tikanga o te korero mona; ma ratou e mea, he tika ranei, he he ranei; me whiu ranei te tangata i whakapaea ra, me whakaharakore ranei. He ture pai rawa tenei. Ko tona ture kahurangi tenei: ekore rawa te iwi e pai kia whakaputaia ketia tenei ture, he ture whakauui hoki i te tangata.