Tenei Pukapuka tuku whenua e tuhituhia nei i tenei ra i te toru (3) o nga ra o Akubata1857. 3 August.Hawke's Bay. i te tau o to tatou Ariki kotahi mano e waru rau e rima tekau ma whitu (1857) He Pukapuka tino whakaae pono na matou na nga rangatira me nga tangata o NgatitePuahanui. rangikoianake e mau nei nga ingoa ki tenei pukapuka mo matou mo a matou whanaunga me o matou uri katoa e whanau mai i muri iho i a matou kia tino tukua rawatia tetahi wahi o to matou kainga ki a Wikitoria ki te Kuini o Ingarangi ki nga Kingi Kuini ranei o muri iho i a ia a ake tonu atu. A mo to matou whakaaetanga kia tino tukua rawatia tenei wahi o to matou kainga e whakaae ana hoki a Wikitoria te Kuini o Ingarangi mona kia utua to matou nei whenua ki nga pauna moni kotahi te mano e rua rau takitahi (£1200)Total price, £1,200. E iwa rau o enei moni (£900) kua riro mai ki a matou i tenei ra na te Makarini i homaiReceipt for £900. ki a matou. Ko nga rau e toru e toe ake nei (£300) ma te Kupa e homai ki.a matou a muri ake nei. Ka timata te rohe i te Whakarapurapu ka rere ki te Pou-a-Ouenuku kaBoundaries. rere ki Motukumara mau rawa atu ko Tuakirikiri mau rawa atu ko te Korora ka puta ki waho ki te parae ka haere i te taha o te ngaherehere mau rawa atu ko te Upoko-o-Paua mau rawa atu ko Mangamate ka ahu whakarunga i roto i te wai mau rawa atu ko te Rewarewa ka whati i kona mau rawa atu ko Mairepoiki rere tonu i te Arawahi-a-Kaiatahu mau rawa atu ko te Puku mau rawa atu ko te Haurakau ka whati i kona mau rawa atu ko Mangamauku mau rawa atu ko Mangatiheke ka whati i kona ka rere ki te taha ki te tonga mau rawa atu ko Ngamahanga mau rawa atu ko Mangaupokororo mau rawa atu ko Turi-o-Hakeke ka whati i kona rere tonu mai i roto i te awa i Tane-a-Teko mau rawa mai ko Mangamauku ka rere tonu i te wai mau rawa mai ko Mangaonuku rere tonu i roto i te wai i Mangaonuku tutaki tonu atu ki te Whakarapurapu. Heoi kua oti i a matou te hurihuri te mihi te poroporoaki te tino tuku rawa atu i tenei kainga o a matou tupuna tuku iho ki a matou me ona awa me ona wai me ona roto me ona hiwi me me ona parae me ona ngaherehere me ona rakau me ona powhatu me ona otaota me ona wahi ataahua me ona wahi kino me nga mea katoa kei runga ranei o te whenua kei raro ranei o te whenua me ona aha noa iho o tenei whenua kua oti katoa i a matou te tino tuku rawa atu i tenei ra e whiti nei kei kainga purnau tonu iho ki a Wikitoria ki te Kuini o Ingarangi ki nga Kingi Kuini ranei o muri iho i a ia a ake tonu atu. A mo to matou whakaaetanga ki nga tikanga katoa o tenei pukapuka kua tuhia iho o matou ingoa me o matou tohu. A mo te whakaaetanga o te Kuini o Ingarangi mona ki nga tikanga katoa o tenei pukapuka kua tuhia iho te ingoa o te Makarini o te Kaiwhakarite whenua mo te Kawana o Niu Tireni.