Manihera's Reserve, Wairarapa District.
Tenei Pukapuka1853. 23 December.Wairarapa District. tuku whenua e tuhituhia nei i tenei ra i te rua tekau ma toru (23) o
nga ra o Tihema i te tau o to tatou Ariki kotahi mano e waru rau e rima tekau
ma toru (1853). He pukapuka tino wakaae pono na matou na nga Rangatira me nga
Tangata o NgatikahungunuManihera's Reserve. e mau nei ngaingoa ki tenei Pukapuka mo matou mo a matou whanaunga mo
o matou uri katoa e whanau i muri iho i a matou kia tino tukua rawatia tetahi
wahi o to matou Kainga ki a Wikitoria te Kuini o Ingarini ki nga Kingi Kuini
ranei o muri iho i a ia ake tonu atu.
A mo to matou whakaaetanga kia tino tukua rawatia tenei wahi o to matou
Kainga e wakaae ana hoki a Wikitoria te Kuini o Ingarini mona kia utua matou
ki nga pauna moniReceipt for £1,000. Kotahi te mano (£1000) takitahi Ko aua moni kua riro mai ki a matou i
tenei ra na te Makarini i homai.
Boundaries. Ka timata nga rohe o te whenua ka mau ki Owahanga ka ahu Waka Mauru
mau noa atu ko Wakau ka ahu Waka Rawiti mau noa atu ko Tarehu mau noa atu ko
te Puaotamatoi mau noa atu ko Motuokaira mau noa atu ko Huruparera mau noa atu
ko Motuhinahina mau noa atu ko te Aramahutahuta mau noa atu ko te Haka mau noa
atu ko te Takapau ka ahu ki te taha ki te Waraungahou ka ahu ki te Tonga mau
noa atu ko Oteruaui mau noa atu ko te Huruatemanu mau noa atu ko te Arohata a
Tumokonui mau noa atu ko Tukura mau noa atu ko Taingaokuhu mau noa atu ko te
Ngutu awa o Mangatete mau noa atu ko to ngutuawa o te Ruahine ka makere ki
Wairarapa ka ahu ki to Mauru ka mau ki Owahanga ka tutaki nga rohe i konei. Ka
apitia hoki ki tenei tukunga te whenua katoa i tukua e te Waka Tahuahi raua ko
te Manihere ki te Kuratawhiti.
KotahiReserve for Rawiri Piharau. [100 acres.] te rau 100 nga eka mo Rawiri Piharau ki Motupiri.
Heoi kua oti i a matou te hurihuri te mihi te poroporoake te tino tuku rawa i
tenei kainga o a matou tipuna tuku iho ki a matou me ona awa me ona manga me
ona roto me ona wai me ona rakau me ona otaota me ona kohatu me ona wahi parae
me ona wahi ataahua me ona wahi kino me nga mea katoa ki runga ranei o te
whenua ki raro ranei o te whenua me nga aha noa iho o taua whenua ka oti rawa
i a matou te tino tuku rawa atu i tenei ra e whiti nei he whenua pumau na
matou ki a Wikitoria te Kuini o Ingarini ki nga Kuini Kingi ranei o muri iho i
a ia ake tonu atu.
A mo to matou wakaaetanga ki nga tikanga katoa o roto i tenei pukapuka ka
tuhia iho e matou o matou ingoa me o matou tohu.
A mo te wakaaetanga o te Kuini o Ingarini mona ki nga tikanga katoa o roto i
tenei pukapuka ka tuhia iho e te Makarini te Kai wakarite whenua o te Kawana o
Nui Tireni tona ingoa.
Donald McLean,
Land Commr.
Manihera te Rangitakaiwaho.
Wiremu Kingi Tutepakihirangi.
Matiaha te Aopouri.
Rawiri Piharau x his mark.
Ihaka Ngahiwi x.
Wiremu Tamihana Hiko.
Na Raniera te Iho.
Matini Warahi.
Piriki Potenga x his mark.
Riwai Tamati.
Nga kai titiro ki enei homaitanga utu me enei tuhinga ingoa tohu hoki—
Henry St. Hill,
Resident Magistrate, Wellington.
Henry W. Petre,
Postmaster-Genl., New Zealand.
John P. Russell,
Settler, Wangai Moana, Wairarapa.
page 297