1859. 24 March.Kaipara District.Tenei Pukapuka i tuhituhia i tenei rua tekau ma wha o nga ra o Maehe i te tau o to tatou Ariki 1859 he Pukapuka tino hoko tino hoatu tino tuku whakaoti atu na matou Kaukapakapa West. na nga Rangatira me nga Tangata o Ngatiwhatua no ratou nga ingoa e mau i raro nei a hei whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu kia Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni E toru rau (£300 . 0 . 0) kua utua mai ki a matou e te Rokena mo te Kuini (a e whakaaetia nei e matou te rironga mai o aua moni) ko taua wahi whenua katoa kei Kaipara ko Kaukapakapa W. te ingoa o taua wahi whenua ko nga Boundaries. [5,223 acres.] rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi Kia mau tonu kia Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o te Rokena Kaiwhakarite Whenua. Ko nga rohe enei o taua whenua ka timata i Ouruwhare ki te wai o Kaupakapaka haere i roto o te wai o Kaukapakapa tae noa ki te Waikahikatea ka haere i roto o taua awa katahi ki tona hikuwai ka haere i runga o te ruri o Pereke 147° 30′—7120 riki 148° 3678 riki ka tae ki te Ahu 208° 3380 riki—274° 45′ 12950 riki ki Arakiore 306° 30′ 18500 riki 304°—4170 riki, 284° 2785 riki ka tae ki te wai o Ouruwhare ka haere i roto o taua wai ka tae ki Kaupakapaka ka tutuki nga rohe i reira. Kotahi wahi e mahue ki waho mo te Keene kei te Pikonga o Kaukapakapa kua oti te Reserve for Te Keene excepted. tapahi e te kai ruri.