Maori Deeds of Land Purchases in the North Island of New Zealand: Volume One

Mamaku No. 1 Block (Gold Fields Agreement), Hauraki District

Mamaku No. 1 Block (Gold Fields Agreement), Hauraki District.

1867. 9 November. Hauraki District.

Ko Tenei Pukapika

i tuhituhia i tenei te iwa o nga ra o Nowema i te tau o to tatou Ariki, Kotahi mano e waru rau e ono tekau ma whitu (1867) he pukapuka whakaae

Mamaku n o. 1.

na matou nga Rangatira me nga tangata o Ngatitamatera mo matou me o matou uri

Gold Fields Agreement with Ngatitamatera.

kia tukua atu ki a Ta Hori Kerei Kawana o Niu Tireni me nga Kawana i muri i a ia o matou piihi whenua Katoa ka timata i te Mamaku haere tonu i te taha o te moana ki Moehau haere tonu i te taha o te moana ki Whitianga haere tonu i te rohe

Boundaries.

o nga whenua o Ngatihe me Ngatimaru ma ki te Mamaku ki te wahi timata ai, ko enei whenua katoa he whenua mahinga koura mo te Kawana me ana i whakarite ai—ara ko o matou wahi katoa ki roto ki aua rohe kua puare he whenua mahinga koura, heoi nga

Reserves.

piihi i kape ki waho ko nga whenua o etahi atu iwi, me nga kainga nohoanga ngakingakai ma matou me nga wahi tapu.

Terms of surrender.

Na ko nga tikanga enei i roto itaua tukinga—ara,
1 Ekore e tika kia haere noa iho te tangata ki te keri koura i runga i aua whenua, engari kia matua whiwhi ia ki te Maina Raiti katahi ka tika, ko te utu o te Maina Raiti kotahi, kotahi pauna (£ l). Kua riro te Maina Raiti i te tangata ka whai mana ia ki te mahi i nga mahi katoa i huaianatia he mahinga koura.
2 Me homai e te Kawana ki a matou kotahi pauna (£ l) mo ia Maina Raiti mo ia Maina Raiti ana puta ki te tangata kuri koura ki runga ki to matou piihi whenua. Ko nga ra utunga o aua moni ki a matou kei to 31o nga ra Maehe te 30 o nga ra o Hune te 30 o nga ra o Hepetema te 31 o nga ra o Tihema i ia tau o te whakapumautanga o tenei pukapuka. Engari ki te haere ke te tangata ki runga ki te whenua o tatahi iwi ke keri koura ai kaore ano kia mutu noa te tau i whakaritea ki roto ki tona Maina Raiti, i reira me whakaputa ki a matou nga moni e rite ana ki te roa o tona nohoanga ki runga ki to matou whenua. A ki te haeremai te tangata kua whai Maina Raiti mo te whenua o tetahi iwi ke atu, me pera ano te tikanga hoki me wahi tetahi taha o te moni ki a matou tetahi taha ki a ratou.
3 Ko nga rakau Maori hiahitia ana e te kai keri koura he wahie he rakau mahinga koura, me riro noa iho i a ia engari nga rakau kauri me utu ano ko te utu mo te kauri kotahi. Kotahi pauna e rima herini (£ l-5-0).
4 £500 deposit. Me whakaputa ki a matou e te Kawana E rima rau pauna inaianei he moni taunaha mo tenei whakaritenga engari ko aua moni me whakahoki atu ki a te Kawana ki roto ki nga moni o nga Maina Raiti ana puta mai ki a matou.
5 Ma te Kawana e whakarite nga kai ruri mo nga piihi whenua kua kapea ki waho, me nga rohe ki etahi atu iwi.

A he tohu mo to matou whakaaetanga mo matou, mo o matou uri ki nga tikanga katoa o tenei pukapuka me te tukunga o o matou piihi whenua katoa ki roto ki nga rohe kua tuhia ki runga ake nei, ki a te Kawana kia mahia nga mahi katoa e huaina ana he mahinga koura, kua tuhia o matou ingoa ki raro nei, a he tohu hoki mo te whakaae- tanga o te Kawana kua tuhia te ingoa o Tiemi Make, Komihana ki raro o tenei pukapuka.