The Pamphlet Collection of Sir Robert Stout: Volume 63
Upoko 12
Upoko 12.
Ano ka ki a Hopa, ka mea,
2 Koia ra hoki, ko koutou nga tino tangata, a, ka mate koutou, na, mate katoa ano me te matauranga.
3 Otira, he matauranga hoki toku, me to koutou; kihai nohinohi ahau i a koutou: Ina! kowai i kuware ki ena mea?
4 Ka rite ahau ki te tangata kua tawaia e tona whanaunga, i toku inoinga ki te Atua, me tona meinga mai: ko te tangata tika e mahi tika ana, kua kataina rawatia.
5 Ko te tangata meake paheke ona waewae, e rite ana ki te rama kua mahue i te tangata mangere.
6 E ora ana ano ia nga whare o nga tahae, a, ka ora ratou e tutu nei ki te Atua; e whakakiia ana o ratou ringaringa e te Atua.
7 ¶ Tena ko tenei, kia ui koutou ki nga kararehe, ma ratou koe e whakaako; a, ko nga manu o te rangi, ma ratou e korero mai ki akoe.
8 Me ui ranei te whenua, a, mana e mea mai: a, ma nga ika o te moana e whakapuaki mai ki akoe.
9 Kowai ranei te tangata ekore e matau ki ena mea katoa, e, na te ringaringa o Ihowa tenei?
10 Kei tona ringaringa te wairua o nga mea ora katoa; me te manawa o; nga tangata katoa.
11 Ekore oti te taringa e whakamatautau i nga kupu? me te mangai i tona kai?
12 Kei nga tupuna te tikanga; a, kei te roanga o nga ra te matauranga.
page 1413 Kei a ia te tika me te kaha; kei a ia te rimanga me te matauranga.
14 Na, ka wahia e ia, na, e kore e taea te hanga; ka paia e ia te tangata, na, kahore he putanga.
15 Na, ka puritia eia nga wai, na, kua mimiti ano: ka whakapakarutia mai e ia nga naipuke ki waho, a, ka huri ratou i te whenua.
16 Kei aia te kaha me te matauranga: nona te tangata i hiangatia, me te tangata hianga.
17 Ka whakaraua e ia te hunga runanga, ka whakakuware hoki i nga kai whakawa.
18 Ka wetekia e ia te herenga o nga kingi, ka whitikia hoki o ratou hope ki te whitiki.
19 Ka arahina e ia nga piriniha i te marutanga; ka hurihia hoki te hunga kaha.
20 Ka tangohia e ia te korero a te pono, ka riro i a ia te matauranga o nga kaumatua.
21 Ka whakataurekareka ia ki nga piriniha, ka wetekia e ia te whitiki o te kaha.
22 Ka kite ia i nga mea hohonu o te pouritanga, ka whakaputaia mai hoki ki te maramatanga te atarangi o te mate.
23 Ka whakatokomahatia e ia nga tauiwi, a, whakamatea iho ana: ka whakanuia eia nga tauiwi, a, whakahokia ana ano.
24 Ka whakakahoretia e ia te ngakauo te tino iwi o nga iwi o te whenua, a, ka whakalhae rea hoki ratou ki te koraha, kahore he ara.
25 Ka whawha noa ratou i te pouri kahore he marama, ka meinga e ia kia haere whakahinga, ano he tangata kua inu.