Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

The Pamphlet Collection of Sir Robert Stout: Volume 63

Upoko, 13

Upoko, 13.

Na, kua kite toku kanohi ki tenei katoa, kua rongo hoki toku taringa, kua matau.

2 Ko a koutou e matau ai, kua matau hoki ahau; kihai a hau i nohinohi i a koutou.

3 He pono kia [unclear: korero a] ki te Tinokaha, e hiahia ana hoki ahau kia korerorero maua ko te Atua.

4 Otira, ka poka koutou i te teka, he rata paikore koutou katoa.

5 Kati rapea o koutou mangai! hei matauranga mo koutou.

6 Kia rongo ki oku whakaaro, kia rongo ki nga korero tohe a oku ngutu.

7 Oti, e korero kino koutou mo te Atua? ka korero hianga ranei koutou mona?

8 Ka whakapai koutou ki a ia? hei korero mo te Atua a koutou korero?

9 E pai ana kia rapua koutou e ia? ka tawai tetahi tangata ki tetahi, kia penei ta koutou tawai ki a ia?

10 Ka riria koutou e ia ki te mea e huna ana a koutou hianga mo te tangata.

11 Ekore koutou e wehi ki tona pai? ko tona mataku page 15 ekore e tau ki runga ki a koutou?

12 Ka rite a koutou maharatanga ki te pungarehu, ko o koutou tinana, ka rite ra ki nga tinana oneone.

13 Kei turituri, waiho ahau kia korero, he aha ranei e pa mai ki a au.

14 He aha i ngaua ai e ahau toku kikokiko, i tukua ai toku oranga ki toku ringaringa?

15 Ahakoa patua au e ia, e whakawhirinaki ano ahau ki a ia; otira, e meingatia ano oku ritenga ki tona aroaro.

16 Ko toku oranga hoki ia; ekore te tangata tinihanga e puta mai ki tona aroaro.

17 Kia rongo pu koutou ki taku korero, me taku kupu ki o koutou taringa.

18 Na, kua whakarite ahau toku ritenga; ka matau ahau e meinga ahau hei tangata tika.

19 Kowai te haere mai ki te tohe i a au? Ki te mea ka mutu taku korero, ka mate.

20 Kei rua au mahi ki a au: na, ekore ahau e huna ki akoe.

21 Tangohia atu tou ringaringa ki tawhiti atu: kei wehi ahau i tou wehi.

22 Ko reira karanga mai ai koe, a, ka o atu ahau: kia korero ranei ahau, a, mau e mea mai.

23 E hia ranei aku kino, aku hara? meinga ahau kia kite ahau i aku kino i aku hara.

24 He aha i huna ai koe i tou kanohi i a au, ka meinga ahau hei hoa whawhai mou?

25 E whatiia e koe te rau rakau e puhia ana? ka aru koe i te tarutaru maroke?

26 Ka kawa nga mea i tuhia ekoe ki a au, ka whakahoutia nga hara o toku taitamarikitanga.

27 Kua panga ekoe oku waewae ki te hereherenga, ka tirohia hoki oku haerenga; ka tutohungia ekoe nga rekereke o oku waewae.

28 Ka pau ia, ano he mea pirau, me te kakahu kua kainga e te huhu.