Wenerei, 3rd Mei, 2 P.M.

Pika: Ko te rarangi 13 ara ko te motini a Maniapoto.

A Te Kume: E tautoko ana ahau.

W. Kupa: E tautoko ana ahau.

Pika: Ko nga mea e pai ana me ki mai "ae" Paahitia a wahatia ana.

Pika: Ko te motini a nga mema o te Tai Hauauru i naianei. (1) Kia mahia te Kotahitanga kia oti. Kei te mohio katoa koutou ki tena. Ko te (2) ko te moni kohi a nga iwi me waiho atu i tona takiwa i tona takiwa. Me korero tenei e koutou.

R. Rangiheuea: I te haere nga ake ote kirihipi ki tooku takiwa, i haere ake ano te pukapuka kohi, otira kaore tooku Takiwa i whakaae kia kohi i taua wai te mea ki ta ratou nei mahara, ko te mea marama, kia oti ra ano te Kotahitanga ka tika ai te kohi, a ka tuku mai ai ki te Kawanatanga, kei tukua ohoreretia mai ka ahua rereke te whakaaro o te Kawanatanga.

H. Amorangi: Ki au, kia tu ra ano te komiti otooku wahi ka tika ai te whakatakoto o te moni o toku wahi. page 24Mehemea e hiahiatia kia homai tetahi moni. he mea tika kia tukua te Ripoata a te Kawanatanga ki reira, ka kitea e tika ana nga take hei homai tanga i nga moni ka homai tetahi wahi, kaore te katoa.

W. Kiriwehi: Ko ta tooku iwi e mea ana kia oti te Kotahitanga i te tuatahi. He komiti tonu tooku kei muri, hei tiaki i nga moni o reira. Ki te kitea e tenei Runanga me pewhea taua moni koiana ta tatou kupu.

Te Awe Awe: Ko te take o tooku iwi i mea ai kia ata waiho atu nga moni kia ratou ano tiaki ai, ite tunga o te komiti i mua, ka kiia kia kohia he moni, a kohia ana, ngaro noa iho aua moni. Ko ahau tonu kei te pupuru i aua moni. Kia tae mai ra ano te Ripoata a te Kawanatanga e tika ana hei reira ka homai e au te moni, ka mohio iho ahau kaore e tika ana kaore e homai.

R. Wharerau: Kua oti itera tau ki te komiti ano nga moni, otira ka tu tenei hui me mau mai e ia mema e ia mema nga moni i tona takiwa o toona takiwa. Kei roto ano i te ture kohi moni otera tau tenei korero.

Pene Taui: E tautoko ana ahau i te motini nei.

H. Ropiha: E mea atu ana me atatitiro ano nga kai motini ki te ture kohi moni. Ki au kei te ahua rereke te pire. E penei ana te pire ko te mana o te peeke ki te Hapu ko te kaute ka te Kotahitanga.

Mangakahia: E kiia ana ma te Ripoata rawa ka puta ai aua moni. I te takiwa ko ahau te pirimia e 300, reta 300 waea me era atu mea, he awhina katoa i te kotahitanga. Ma te moni ka taea ai enei mea katoa. Me pewhea ra e kaha ai te kawanatanga. Me ata titiro tatou ki tenei mea, ka kore he moni e kore te kawanatanga e kaha ki te mahi. Kaore ahau e marama ki tenei kupu, kia tu rano te kotahitanga ka homai ai nga moni. He aha hei tautoko, na tenei mea na te moni i ora ai nga mahi a te pakeha.

H. Tomoana: Kaore rawa he painga mo tenei tikanga e puta mai i roto i tenei rarangi, kai te taumaha te korero a nga Honore mema nei. Ki au me tuku mai nga moni ki te kawanatanga, kia mahia ai nga mea e taea te mahi, heoi kinga hapu ko te kaute. Kia mohio koutou na te kore moni i penei tonu ai ta koutou pepa a Huia. Mehemea he nui te moni kua whaka pakeha tia tetahi wahi, a kua nui te puta o te hua. Ma te moni e kaha ai te kawanatanga ki te mahi i ana mahi. Ki te puritia kaore e kaha, a kaore e oti nga mahi, he pai ke kia kiia mai kia kore te kotahitanga.

Te Awe Awe: I nga tunga kingi ka whakaturia he komiti tiaki moni, kei te whakaae tonu ahau kia tukua he moni, engari ko te Ripoata taaku e mea nei kia tae rawa mai i te tuatahi, kaore hoki ahau e pai kia tukua ohoreretia atu te moni a tooku iwi kaore e kaiponuhia te moni, kia whai moni rawa hoki ka kaha atu ai te mahi.

Paraone: E mea atu ana ahau kia mahara nga Hapu ki te kawanatanga.

Wano: Kaore e pakaru tenei kotahitanga i runga i tenei pire. E pai ana kia haere nga moni ki runga i nga mahi a te kawanatanga.

H. Amorangi: I hoki ahau i tera tau i runga i enei kupu (1) kia kohia he moni (2) kia mahia te kotahitanga. I ki ano ahau, kaore e tae mai i au, kia oti rano ka homai ai taua moni.

Marumaru: Na nga pukapuka tonu nei ahau nei i whaka marama, me ora i te aha nga minita. E mea atu ana ahau kia mahara tatou ki tenei mea, me kohi mai a ia iwi a ia iwi hei awhina ia tatou mahi kia kaha ai te minita ki te mahi ia tatou mahi.

Pika: Ka panuitia atu te motini a te kawanatanga monga moni e pau i nga mahi i tenei hui, konga moni e pau £682 page 25me kaha koutou ki te whakahaere i tenei putake korero ka nukuhia te whare mo te 10 a.m. apopo.