1858. 14 December.Wairarapa District.Tenei PukapUka i tuhituhia i tenei i te kotahi tekau ma wha o nga ra o Tihema i te tau o to tatou Ariki 1858 he Pukapuka tino hoko tino hoatu tino tuku whakaoti atu na matou na nga Rangatira me nga Tangata o Ngatikahungunu no ratou nga ingoaPihautea.(Bidwill's homestead.) e mau i raro nei a hei whaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu ki a Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni kotahi te rau £100 kua utua mai ki a matou e Te Herangi mo te Kuini (a e whakaaetia nei e matou te rironga mai o aua moni) ko taua wahi whenua katoa kei Wairarapa ko Pihautea te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu ki a Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikauga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o William N.Boundaries. Searancke tetahi o nga Kaiwhakarite Whenua. Ko nga rohe enei o taua whenua ka timata i Manawawiri ka ahu whaka te Tonga ka rere tika tonu ki te Wharehuata, ka whati ikonei ka ahu whaka te Mauru mau rawa atu Te Puahi ka rere makere noa i roto i te Waiapokopoko repo, rere tonu i roto i te repo tae noa atu ki te Maire, ikonei ka rere whaka te rawhiti i roto i te Maire mau rawa atu Te Kokoti ka whiti ka rere tika tonu ki te Whakapaua, ikonei ka makere i roto i Ruamahanga rere tonu i roto i te awa Ruamahanga mau rawa atu ko Manawawiri ka tutaki.