1865. 3 February.Coromandel District.Tenei Pukapuka i tuhituhia i tenei te toru o nga ra o Pepuere i te tau o to tatou Ariki 1865 he Pukapuka tino hoko tino hoatu tino tuku whakaoti atu na matou na nga Te Puia. Rangatira me nga Tangata o Ngatikoheru me Ngatirakawera no ratou nga ingoa e mau i raro nei a hei whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino [unclear: tukuna] rawatia atu ki[gap — reason: illegible]a Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni Kotahi Mano E waru Rau E whitu Tekau Ma waru me nga herini kotahi tekau ma rima £1878 - 15 - 0 Kua utua mai ki a matou e Hemi Pirihi mo te Kuini (a e whakaaetia nei e matou te rironga mai o aua moni) ko taua wahi whenua katoa kei Whitianga ko te Puia te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu ki a Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o Boundaries. [8,350 acres.] Hemi Pirihi Kaiwhakarite Whenua. Ko nga rohe enei o taua whenua ka timata i i te taha whakararo i Hahei, haere tonu i te akau ki Hororoa, haere tonu i te rohe whakararo o te whenua i te Hoho ki te kokinga ki te hauauru haere tonu i runga i nga raina o te ruri (ara nga raina kua tuhia ki te pukapuka whakaatu kua apititia ki tenei) tae noa te awa o Whenuakite, haere tonu ki roto ki taua awa ki te awa o Huruhurutakina, haere tonu ki roto ki taua awa ki te rohe ki te haurunga o te whenua i Purangi haere tonu i taua rohe 108° 5' 8650 riki ki te ngaherehere o Rewarewa, ka whati ki kona haere tonu ki runga ki te rohe ki te tonga o taua whenua 0° 15' 36910 riki ki te wahi i timata ai— ko te nui o taua pihi whenua E waru Mano E toru Rau E rima Tekau nga eka.