page 29

Pamutana Pokitana Reiriwe.

Te Puke Te Ao.—Patai ki te Minita mo nga Mahi Nunui mehemea ka taiapatia e te Kawanatanga te raina rerewe i Pamutana tae atu ki Pokitana kei mate nga karareke e haere ana ki runga i te raina me nga tangata e haerere ana i te po.

Te Retihana, Tana kupu whakahoki he take nui rawa tenei, he maha hoki nga whakaaranga o tenei korero i nga wa i mua ake nei. E pouri ana ahau ki te whakapuaki i tenei ki kahore e marama te huarahi ki a ratou e ahei te taiapa i taua raina katoa. Mehemea tera etahi wahi e pa ai he mate ka whiriwhiria e te Kawanatanga te peheatanga.