1844. 15 November.Auckland District.Karaka.J. A. Langford.Kia rongo e nga tangata katoa ki enei hoatutanga ko matou nga Rangatira maori no te Hapu o Ngatiwhatua e mau ake nei nga ingoa, e tino whakaae ana i tenei ra kia ho atu kia tukua atu, kia oti rawa atu ki a Apirira Rangipore, ki ona uri, ki ona e pai, tetahi wahi whenua e takoto ana i te awa o Okahukura, ko te Karaka te ingoa, e rua rau pea eka 200, kia tangohia, kia purutia, kia mau pu i a Apirira Rangipore, i ona uri, me ona e pai ai a taua wahi a te Karaka: me nga kohatu katoa, nga wai, nga rakau, nga korari, me nga mea katoa e takoto ana e tu ana ki runga ki taua wahi a te Karaka. Ka whakapahuretia to matou paanga ki te Karaka, e ekore matou e pokanoa ki te hoko atu taua wahi, otiia ka whakamakeretia atu ki a Apirira Rangipore a te Karaka, me ona uri i tenei takiwa, amua atu nei, a, ake, ake, ake.

Boundaries. [250 acres.] Nga Kaha. Ka timata i tetahi awa nohinohi i huaina ko Te Awaiti; ka rere i reira tika tonu ki nga Kahikatoa e ruatahi, me te Rewarewa kotahi: ka tika atu i reira i runga tonu i te taukaka, a tae noa ki nga Rewerewa e ruatahi, he mea titi te tiriwa o aua rakau ki te poupou: ka poka mai i aua Rewarewa tika tonu ki tetahi awa, a ka makere ki te awa o Okahukura: ka haere i te tahataha o te awa o Okahukura i te mutunga taipari, a hono noa ki te awa i karangatia ko te Awaiti.

Receipt. Nga Utu. 1 koroka pai, 1 wati hiriwa, 1 tau wati hiriwa, 1 kohue, 2 tarau pai, 2 hate, 2 kiapu, 3 pouaka.