Tenei Pukapuka i tuhituhia i tenei i te tekau ma ono o nga ra o Mei i te tau o to tatou1863. 16 May.Wairarapa District. Ariki 1863 he Pukapuka tino hoko tino hoatu tino tuku whakaoti atu na matou na nga Rangatira me nga Tangata o Ngatikahungunu no ratou nga ingoa e mau i raro nei a heiTe Kohutu. whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei Pukapuka i raro i te ra e whiti nei kua whakarerea rawatia kua tino tukuna rawatia atu ki a Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni tekau ma rima pauna kua utua mai ki a matou e Te Petetone Kaihoko whenua na te Kuini (a e whakaaetia nei e matou te rironga mai o aua moni) ko taua wahi whenua katoa kei Wairarapa ko Te Kohutu te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei Me ona rakau me ona kowhatu me ona wai me ona page 374awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu ki a Kuini Wikitoria ki ona uri ki ana ranei e whakarite ai hei tino mau tonu ake tonu atu A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhituhia nei te ingoa o Te Petetone Kai hoko Kaiwhakarite Whenua. Ko nga rohe enei o taua whenua. Ko te rohe ki te Tuaraki he huanui Kuini te rohe mai i te whenua nei i nga pamu iti o Mahitaone. Te rohe ki te wa Hauraro ma Rawhiti ko te awa o Makaura. Te rohe ki te Tonga Rawhiti he whenua na te Maori. Ki te wa ki te Tonga ma Hauauru ko te Awa Kuripuni.