Ture, te 5 o Hurae, 1892.Nga Maori O Ngatikuia Me Rangitane.

Tame Paeata.—Patai ana ki te Kawanatanga, mehemea kua oti rawa te whakarite he whenua ano mo Ngatikuia me Rangitane i te takiwa o Maparo?

Ko Mekenehi.—Kei te uiuia inai-anei kia mohiotia te ahua o nga iwi e rua mehemea e tika ana kia hoatu he whe-nua ma ratou. A ki te mea ka oti taua mahi uiui tera ia e whakaatu ki te Whare me te honore mema nana nei te patai.

Pire Tuku Pooti Ki Nga Wahine.

Tame Parata.—Kotahi taku wha-kahe ki tenei Pire, ara ko te wahi e pa ana ki te tukunga pooti ki nga hawhe kaihe o Te Waipounamu. Ki taku ma-hara e tika ana kia whai pooti nga hawhekaihe Maori, ka tapoko te Pire nei ki te Komiti ka mea ahau kia patua te kupu "Maori" kia ahei ai nga hawhe kaihe me nga koata kaihe kia pooti. E kore au e korero roa i te mea kua po rawa. Otiia me whai kupu ahau mo tenei tikunga kia tukua he pooti ki nga wahine. I pena ano taku korero i era tau me te mau o tena mahara inaianei, kaore tenei take i korerotia nuitia ki nga takiwa o te motu nei, a kahore a ratou kupu nui mo tenei ritenga, na reira e kore au e tautoko i tenei Pire. Mehe-mea ka tukua te mana pooti kia ratou me tuku hoki to mana kia noho ratou hei mema i roto i tenei Whare. Mehe-mea ka motinitia tenei e tetahi honore mema ka tautakona e au. Tenei hoki tetahi mea. Mai ano i te timitanga o te ao, tae mai hoki ki te iwi tohunga i nga Hurae kore rawa i whakahaerea he ti-kanga kia hoatu te mana whakahaere ki te iwi wahine. A heaha te pai kia wha-kamatauria taua tikanga rereke rawa inaianei. He nui nga take o roto o tenei Pire e hiahia ana ahau kia korerotia otiia i te mea kua tata ki te awatea. Me mutu toku korero ikonei.