Appendix H.
H. P. Whatahoro, I mahia ki Whanganui.

1.	I runga i nga tikanga o tenei Ture me roherohe nga takiwa o te koroni nei e te Kawana ki tana e whakaaro ai.
2.	Me whakatu he Poari whenua Maori mo ia takiwa mo ia takiwa, ko nga mema mo taua Poari kia tokorima, ko te Komihana o nga Whenua o te Karauna, hei Pakeha, kia tokowha hei mema Maori, ma nga Maori o ia takiwa o ia takiwa, e pooti aua mema Maori, kia toru tau e tu ana, ka pooti hou ano e nga tangata o ia takiwa.
3.	Me utu tau nga mema katoa o tenei Poari, te Komihana me nga mema Maori tokowha o ia Poari o ia Poari, me era atu utu e tika ana, e whakaaetia ana e te Paremete i ia wa i ia wa.
4.	Ko te Komihana o nga Whenua o te Karauna hei Tiamana mo te Poari i runga ano i tona tunga Komihana ki a rua nga pooti mana ko tana ake pooti, me te pooti whakatau. Ki te ngaro ke page 137te Komihana Tiamana, mana e whakatu tetahi atu Pakeha hei riwhi mona, me panui rawa ki te Kahiti te ingoa o tona riwhi, hei Teputi Tiamana.
5.	Me whai Pooti te Teputi Tiamana me te pooti whakatau ano.
6.	Ko te korama o te Poari e tu ai, kia kaua hei iti iho i te tokotoru, kia rua mema Maori, kia kotahi Pakeha, haunga te maha ake.
7.	E pai ana teuei rarangi katoa.
8.	Ko te whakaetanga kia whakahaerea nga tikanga o tenei Ture ki roto ki nga takiwa. Me pitihana ma te Kawana e whakamana tana tono, a te tokomaha o nga tangata nona te whenua, ahakoa papatupu, karauna, tiwhikete, me era atu pukapuka pupuri take whenua Maori.
9.	E pai ana tenei rarangi katoa.
10.	Ki te puta he whakahe ma nga tangata, o te pitihana o waho ranei o te pitihana o nga tangata ano e whai take ana ki te whenua i pitihanatia i roto i te Kahiti, me whakatau taua take i runga i te pooti a te tokomaha, i tae ki-te aroaro o te Poari i te ra i panmtia ai ki te Kahiti.
11.	E pai ana tenei rarangi katoa.
12.	E pai ana tenei rarangi katoa.
13.	E pai ana tenei rarangi katoa.
14.	E pai ana tenei rarangi katoa.
15.	E pai ana tenei rarangi katoa.
16.	E pai ana tenei rarangi katoa.
17.	E pai ana tenei rarangi katoa.
18.	E pai ana tenei rarangi katoa.
19.	E pai ana tenei rarangi katoa.
20.	E pai ana tenei rarangi katoa.
21.	E pai ana tenei rarangi katoa.
22.	E pai ana tenei rarangi katoa.
23.	E pai ana tenei rarangi katoa.
24.	I runga i te tono a nga tangata Maori nona te whenua kia nama etahi moni i te Kawanatanga hei whakaea mokete, i etahi atu moni e tau ana ki runga i te poraka, i nga poraka ranei, apiti atu ki nga moni nama a nga tangata nona te poraka.
25.	I runga i te tono a nga tangata no ratou nga whenua kia tukua mat he moni mokete e te Kawanatanga ki runga i o ratou poraka whenua, ko nga takoha, hei hua mo nga moni tinana i tonoa moketetia ra, kia kaua e neke ake i te rima pauna i te ran, ko aua moni utu takoha ra, me tango i roto i nga moni utu reti, wuru, hokonga kararehe ranei o taua poraka i pungaia ai aua moni pera, ia tau, ia'tau e puta ana mai ki nga Maori nona te whenua.
26.	E pai ana tenei rarangi katoa.
27.	E pai ana tenei rarangi katoa. Na me apiti atu tenei hei rarangi ano mo tenei Ture.
28.	Kaua hei hokona nga whenua Maori katoa e mau ana i raro i te Ture mokete, riana ranei, mo te hapanga o te utu hua akoha o nga moni tuturu i tonoa e nga tangata nona te whenua, i whakaaetia ranei kia takoto mokete ki taua poraka, ki aua poraka ranei, engari me apiti atu ki nga tino moni tuatahi o te mokete.
29.	Kia rima tau me tango mai e te Poari, etahi moni e rima pauna mo ia rau mo ia rau o nga moni tinana i tonoa ra hei takoto mokete ki runga i te poraka i nga poraka ranei, hei whakaiti haere i nga moni tinana o te mokete.
30.	Kaua te Ture peekerapu e pa ki nga takiwa kua whakaaetia kia whakahaerea tenei Ture, te muru ranei i nga hea moni, i te hea whenua ranei, mo tetahi nama, aha ranei.
31.	Kaua te tangata o te poraka e waiho wira ki tetahi tangata ke atu i ona ake uri ana ake, a ona taina, tuakana ranei, a te whaea kotahi, a te papa kotahi, ina kore rawa ana ake uri, ki te kore ana ake uri, a ona taina, tuakana, nga uri ranei a ona taina, tuakana hoki, me waiho ki te whanaunga tata tonu ki a ia o te hapu nona ai te poraka i whakataua ai e te Kooti. Kaua ki te tangata ke, ki te Pakeha ranei.
32.	Me whai panga te pouaru wahine ki tetahi wahi oranga mona a te tane i mate, ahakoa reti, moni takoto ranei ki te peeke, era atu putanga moni ranei, ahakoa whai uri a raua ake ko te tane i mate, kore ranei. Engari kia mate taua wahine, me hoki taua painga ki te tangata ki nga tangata ranei i whakataua e te Kooti koi ara nga riwhi o te tupapaku. E kore e mana te wira mo te paanga pera a te wahine pouaru.

Heoi, e hoa ma aku ake whakaaro tenei mo te Pire a to tatou Kawanatanga tenei i whakaaro ai, otira ma koutou ma nga upoko maha e whakahaere nga mea e rite ana ki o koutou ake whakaaro hei painga mo te iwi Maori, me nga toenga whenua.