1907, No. 13.
He Ture hei Whakamutu i nga Tohunga.

Notemea tera etahi tangata tinihanga, e karangatia ana he tohunga, e mahi hianga ana i runga i te whakaaro kuare me te ngakau whakapono o te iwi Maori, ki te ki he mana atua to ratou ki te rongoa ki te whakaora i nga mate, ki te matakite i nga mahi tera e puta a nga wa e takoto ake nei, rue era atu mahi, a na reira kei te arahi ratou i nga Maori kia whakarere i a ratou mahi tika, kia huihui atu hoki ki nga hui e pau ai o ratou oranga, e raruraru ai o ratou whakaaro, hei mate mo ratou, a hei tauira kino ano hoki mo te iwi Maori katoa:

Na reira ka meinga hei ture e te Runanga Nui o Niu Tireni e noho huihui ana i roto i te Paremete, a. i runga ano hoki i tona mana, ara:—

1.	Ko tenei Ture me hua ko te Ture Whakamutu Tohunga, 1907.
2.	(1.) Ko ia tangata e huihui ana i nga Maori kia hui atu ki a ia i runga i tana mahi ki te whakahaere tinihanga i runga i to ratou whakaaro kuare, ngakau whakapono ranei, e arahi he ana ranei e tahuri ana ranei ki te arahi he i tetahi Maori i runga i te kiinga i te tinihanga-tanga ranei he mana atua tona mo te rongoatanga me te whakaoranga o tetahi mate, me te whakaatu matakite ranei i tetahi mahi tera e puta a nga wa e takoto ake nei, me era atu mahi, ka ahei ina whaka-taua wawetia tena hara ki runga ki a ia i te aroaro o tetahi Kai-whakawa Tuturu, kia whiua ki tetahi whaina kaua e neke atu i te rua tekau ma rima pauna, kia whiua ranei ki te whareherehere mo tetahi wa kaua e neke atu i te ono marama mo te haranga tuatahi, kia whiua ranei ki te whareherehere mo tetahi wa kaua e neke atu i te tekau ma rua marama mo te haranga tuarua, me ia haranga kotahi ranei a muri atu, e takahi ana i tenei Ture. (2.) Kaua e timataria he whakawakanga mo tetahi haranga e takahi ana i tenei Ture ki te kore i matua whakaaetia e te Minita Maori. page 2
3.	Ka ahei te Kawana i ia wa i ia wa, i runga i tetahi Ota Kauni-hera i kahititia, ki te hanga i nga rekureihana e maharatia ana e ia e tika ana hei whakatutuki i te whakaaro o tenei Ture.
4.	Ko wahanga-tekiona rima o tekiona tekau ma ono o te Ture Kaunihera Maori, 1900, me nga rekureihana katoa i hanga i raro i taua wahanga-tekiona, kua whakakorea e tenei Ture.