Akuhata, 30th, 1876.

He whakamaramatanga tenei i nga tikanga i roto i nga tekiona katoa o taua Ture e kiia nei "He Ture whakahaere i te Hoko i te Reti i te Tuku hoki i nga whenua Maori," kia ata mohio ai nga Maori ki nga tikanga o roto.

Tekiona 1. He whakaingoa kau tenei i te Ture.

Tekiona 2. He whakaatu tenei i te ra me te marama me te tau e whai mana ai tana Ture.

Tekiona 3. He whakamarama kau tenei i te tikanga o etahi ingoa, kupu hoki, e whakahuatia ana i roto i taua Ture. Kaore he tino tikanga o aua mea—he mea noa ia. E marama ana hoki tona tikanga i roto i te whakamaoritanga o taua Ture kua oti nei te mahi.