Ko au pauna katoa me nga kai-tiaki pauna e tu ana e whaimana ana i te timatanga o te mana o tenei Ture, me mau tonu era hei pauna hei kai-tiaki pauna mehemea nei ano i whakaturia i raro i te mana o tenei Ture.

E kore e tika kia panuitia tetahi wahi hei pauna e te hunga whaimana takiwa, mehemea kaore he taiapa o taua wahi, mehemea ranei kaore he wahi ruru mo nga kararehe e paunatia ana ki reira, kia hanga hoki he wahi hei wehe atu i nga kararehe e pangia ana e te mate.

Me hanga e ia kai-tiaki pauna he wahi ruru mo nga kararehe ki te pauna e tiakina ana e ia i roto i nga marama e wha i muri i te timahanga o te mana o tenei Ture me hanga ano e ia te pauna kia rite ki te mea e whakahaua ana e tenei Ture; ko nga moni e pau ana i te whakarerekatanga i te pauna kia rite ai ki ta tenei Tekihana e whakahau nei, ka tika kia puritia e te kia-tiaki o te pauna etahi o nga moni e tika nei kia utua e ia ki te kaute moni o te takiwa; ma tenei tekihana e whakatika tana pupuri pera i aua moni.

Ko te kai-tiaki pauna kaore e mahi ana i enei tikanga ka whainatia ki nga utu kia kaua e hipa ake i te rima pauna.