[Teanslation.]
Ko te kupu a te Komiti mo te runga i te Pukapuka-inoi a Matiaha Mokai me ona hoa e 4.

E ki ana nga Kai-inoi kei a ratou tetahi pukapuka Tiwhikete i whakaputaina i runga i te mana o Te Ture mo nga Whenua Maori mo tetahi piihi whenua kei Wairarapa tona ingoa ko Te Ahikouka, a e inoi ana ratou kia whakaputaina te Karauna karaati i runga i taua Tiwhikete.

I whakaaro te Komiti kia ata kimihia nga tikanga katoa o tenei mea whakarangona ana nga korero a nga tangata kai-inoi tokorua, whakarangona ana hoki nga korero a Ngatuere te rangatira Maori na tona pakeke ki te whakahe i kore ai e whakaputaina te Karauna karaati taea noatia tenei wa.

I pataia hoki a Te Karaka, o te Tari Maori, a Karaitiana Takamoana, M.H.R., hoki.

Kua whakahaua ahau kia ki penei atu ki te Whare:—

Ko te whakaaro o te Komiti, kua whakanuia e te Tari Maori te wehi kei tupu he raruraru i runga i te whakaputanga o te Karauna karaati koia i whakapuakina ai e te Komiti ta ratou whakaaro kia tere te whakaputa te Karauna karaati i runga i te Tiwhikite i runga hoki i nga tikanga o te Ture.