Niu Tireni.
Whakatikatika Ture Tiaki Kararehe.
1910, No. 22.
He Ture hei whakatikatika i te Ture Tiaki Kararehe, 1908.
[2 o Noema, 1910.
Kua Meinga Hei Ture e te Runanga Nui o Niu Tireti e noho huihui ana i roto i te Paremete, a i runga ano hoki i tona mana, ara:—
| 1. | Ko tenei Ture me hua ko te Ture Whakatikatika i te Ture Tiaki Kararehe, 1910, a ka waiho hei wahi mo—a me panui tahi raua ko—te Ture Tiaki Kararehe, 1908 (a muri ake nei huaina ai ko te tino Ture). |
| 2. | Tekiona ono o te tino Ture kua whakatikatikaina e tenei Ture, ara kua whakakorea atu i roto o wahanga-tekiona rua enei kupu nei "e hohonu atu ana i te rua putu e ono inihi a kaore i te puare i ona pito e rua." |
| 3. | Tekiona rua tekau ma ono o te tino Ture kua whakatikatikaina e tenei Ture, ara kua apititia atu i muri o nga kupu nei "keemu Maori" i te whakahuatanga tuatahi o aua kupu, enei kupu na "(i tua atu i te kuaka)." |
| 4. |
| (1.) |
Tekiona toru tekau o te tino Ture kua whakatikatikaina e tenei Ture, ara kua apititia atu ki wahanga-tekiona tahi enei kupu—
"Engari ka ahei te Minita, ki te mahara ia e tika ana, ki te karaati whakaaetanga atu ki tetahi tangata ki te pupuri keemu Maori ki a ia man ai mo tetahi wa roa atu i nga ra e whitu i muri iho i te kopinga o taua wa (season), hei whakamatakitakitanga anake, engari kaua taua whakaaetanga e kiia e whakamana ana kia patua he keemu Maori i muri iho te kopinga o te season(ara o te wa tika hei patunga)."
|
| (2.) | Kaua tetahi kupu o taua tekiona toru tekau kua kiia ake nei, o tenei tekiona ranei, e kiia kei te pa atu ki te whai manatanga o nga Maori ki te pupuri i nga keemu i rongoatia kia roa ai e takoto ana a e karangatia nei tona ingoa he "huahua." |
|
| 5. | Tekiona toru tekau ma rua o te tino Ture kua whakatikatikaina e tenei Ture, ara kua apititia atu i muri i tenei kupu nei "tango" i wahanga-tekiona tahi, enei kupu na "tetahi keemu Maori ranei"; a kua apititia atu ano hoki ki taua wahanga-tekiona nei ano enei kupu na "mo tetahi mahi tohunga (scientific purpose) ranei."page 2.gif) |
| 6. |
| (1.) | Ahakoa tetahi kupu i roto i te Tino Ture, ka ahei te Minita i ia wa i ia wa, i runga i te tono-a-tuhituhi a tetahi tangata, ki te whakaae kia mauria mai ki roto ki Niu Tireni nga kararehe tera e maharatia e te Minita e tika ana, hei whakamatakitaki anake, ahakoa i roto i tetahi kaari nohoanga kararehe (zoological garden) i roto ranei i tetahi kahui kararehe e whakamatakitakitia haeretia ana (travelling menagerie). |
| (2.) | Ka ahei he whakaaetanga pera kia hoatu i raro i nga tikanga tera e maharatia e te Minita i ia keehi kotahi e tika ana kia utaina atu, a kaua ano hoki e hoatu ki te kore te Minita e tino marama tuturu ko nga tikanga kua hangaia e te kai-tono mo te hereheretanga tika me te tiakitanga o ia kararehe e meatia ana kia mauria mai i runga i nga huarahi kua kiia ake nei e ahei ana hei tiaki i te ora o nga tangata o te iwi katoa, a kia hangaia ra ano hoki e te kai-tono tetahi pukapuka (bond) punga ke atu ranei mo tetahi moni e nui ana ki ta te Minita whakaaro hei whakaora i ia tangata mo ia mate me ia raru ranei tera e pa ki a ia i runga i te mauranga mai ki Niu Tireni o nga kararehe e whakaingoatia ana i roto i te tono, i tetahi ranei o aua kararehe, i runga ranei i te putanga atu i te herehere o tetahi o aua kararehe. |
| (3.) | Nga tikanga o tekiona toru tekau ma iwa tae atu ki wha tekau ma rua o te tino Ture e kore e pa atu mo te taha ki tetahi kararehe i mauria mai ki roto ki Niu Tireni i raro i tenei tekiona i roto i te wa e ata whakatutukitia ana nga tikanga (mehemea ia he pera) i whakaputaina ai te whakaaetanga. |
|
| 7. | Ahakoa tetahi kupu i roto i tetahi Ture, ka whai mana ia tangata i raro i te ture ki te patu hea, witara, toote ranei (hares, weasels, or stoats): Engari ka ahei te Kawana i roto i tona Kaunihera, i runga i te kupu tohutohu a te Minita mo nga Mahi Whenua, ki te whakatarewa i te paanga atu o tenei tekiona i roto i tetahi takiwa i ata whakaingoatia mo te taha ki nga hea, nga witara, me nga toote. |
| 8. | Tekiona toru tekau ma tahi o te tino Ture kua whakatikatikaina e tenei Ture, ara kua whakauruhia atu i muri o nga kupu nei "keemu Maori," i ia whakahuatanga o aua kupu, enei kupu na "te peha nga huruhuru ranei o tetahi keemu Maori." |
| 9. | Tekiona wha tekau o te tino Ture kua whakatikatikaina e tenei Ture, ara kua whakakorea atu te kupu nei "kopiana" (scorpion), a kua whakauruhia atu hoki, i muri i te kupu "repetaira" (reptile), enei kupu na "kopiana inihekete ranei" (scorpion or insect). |
| 10. |
| (1.) |
Ia tangata e whakamate ana, e whakawhara ana, e hopu ana ranei i tetahi manu Maori o Niu Tireni ake nei, e tahae ana e whakangaro ana ranei i te kohanga o tetahi manu pera, ka ahei kia whiua ki tetahi whaina kaua e neke atu i te rua tekau panna:
Engari ka ahei te Kawana i ia wa i ia wa, i runga i te Ota Kaunihera, ki te whakatarewa i te paanga atu o tenei tekiona mo te taha ki tetahi ahua manu i ata whakaingoatia mo tona wa o ia tau e maharatia ana e ia e tika ana.
|
| (2.) | Nga tikanga o te tino Ture e pa ana mo nga keemu Maori me titiro i raro i te aronga o tenei tekiona a i raro ano hoki i ia Ota Kaunihera i hangaia i raro i tenei tekiona. |
| (3.) | Tekiona rua tekau o te tino Ture kua whakakorea atu e tenei Ture. |
|
.jpg)
