1909, No. 33.
He Ture hei whakamana i te tangohanga i etahi Whenua mo nga Mahi Nunui.

I Te Mea, mai o te tau kotahi mano e iwa rau e iwa tekau-ma-iwa, i te Karauna te whenua e whakamaramatia nei i te Kupu Apiti Tuatahi, a kua whakamahia e te Karauna taua whenua mo nga mahi o te raiti hiko, a mo runga i aua mahi, kua hangaia e te Karauna etahi mihini me era atu whakapainga ki runga ki taua whenua: A i te mea i muri iho ka ara he tautohe mo te taitara o te Karauna ki taua whenua: A i te mea i te tekau-ma-iwa o nga ra o Maehe, kotahi mano e iwa rau ma whitu ka hangaia he Ota Kaunihera, a ka kahiti-tia i te 21 o nga ra o taua marama, e tango ana i taua whenua i raro i te Ture mo nga Mahi Nunui, 1908, timata mai i te rua tekau-ma-tahi o nga ra o Aperira, kotahi mano e iwa rau ma whitu, mo nga mahi o te raiti hiko: A i te mea kua whakataua e te Kooti Piira i he te huarahi i tangohia ai taua whenua, a na reira kaore ano taua whenua i ata tangohia i raro i nga tikanga o taua Ture: A i te mea tera pea kua pa ano he he pera ki te tangohanga o etahi atu whenua Maori mo nga Mahi Nunui: A i te mea e tika ana kia kiia e mana ana aua tangohanga, ahakoa i he te huarahi i tangohia ai: A i te mea ko te whenua e whakamaramatia nei i te Kupu Apiti Tuarua (apiti ki tetahi atu whenua) i tangohia i te rua tekau-ma-rima o nga ra o Hanuere, 1899, i runga i te warati a te Kawana i raro i te tekiona 92 o te Ture mo nga Mahi Nunui, 1894: A i te mea kua ara te tautohe mo te tika, mo te he ranei o te tangohanga o taua whenua hei rori, a e tika ana kia whakamanaia taua tangohanga:

Na Reira Ka Meinga hei Ture e te Runanga Nui o Nin Tireni e noho huihui ana i roto i te Paremete, a i runga ano hoki i tona mana, ara:—

1.	Ka huaina tenei Ture ko te Ture Whakamana Tango Whenua i te Rotoiti, 1909.page 2
2.	Tenei ka whakamanaia te Ota Kaunihera o te 19 o nga ra o Maehe, 1907, a ka kiia mo ona ritenga katoa i timata mai tona mana i te 21 o nga ra o Aperira, 1907; a ko te whenua e whakamaramatia nei i te Kupu Apiti Tuatahi ka whakataua ki te Kingi mo nga mahi o te raiti hiko, a ka kiia i whakataua penatia mai ano o taua 21 o Aperira, 1907, me te watea i nga mokete, kereeme, taimahatanga me era atu raruraru katoa.
3.	(1.) Ka ahei te Minita o Nga Moni i runga i te mana o tenei Ture ki te utu, i rote i nga moni mo nga Mahi Nunui, i te moni e Toru Mano pauna, hei utu kapeneheihana mo te tangohanga i te whenua e whakamaramatia nei ite; Kupu Apiti Tuatahi. (2.) Me utu taua moni ki te Kai-tiaki o te Katoa, a me pupuri e ia i runga i te tikanga tiaki, mana e whakarato ki nga tangata Maori no ratou te whenua, ki etahi atu tangata hold e whai paanga ana ki taua whenua i raro i nga ota a te Kooti Whenua Maori e mahia i runga i nga huarahi a muri ake nei whakamatamatia ai. (3.) Kaua he moni whi, komihana ranei e puritia e te Kaitiaki o te Katoa mo tana mahi whakarato i taua moni, a kaua hoki he initareti e utu a e te Kaitiaki o te Katoa ki nga tangata ma ratou taua moni mo o ratou hea, i mua atu o te whakataunga ai a te Kooti Whenua Maori i te nui o aua hea.
4.	(1.) I muri tata iho i te paahitanga o tenei Ture me whakahau e te Minita mo nga Mahi Nunui kia tonoa ki te Kooti Whenua Maori kia uiuia, ko wai nga tangata ma ratau taua moni kapeneheihana, a he aha o ratou hea, a ka whaimana taua Kooti ki te whakatau i aua take. (2.) Ka whaimana te Kooti Whenua Maori ki te pupuri i roto i te moni kapeneheihana mo te hea o ia tanagata, i te moni kua utua i mua atu ki taua tangata, ki te tangata ranei mo reira ia i whakaturia ai hei kai-riiwhi, a ko nga moni e puritia penatia me utu e te Kaitiaki o te Katoa ki te Kaute Topu o nga Moni o te Tominiona. (3.) Ka ahei te Kooti Whenua Maori, i a ia e whakahaere ana i tona mana i raro i tenei tekiona, ki te hanga ota mo tetahi wahi o te moni kapeneheihana, mo te hea o tetahi tangata, kia utua e te Kaitiaki o te Katoa ki te Roia o taua tangata hei whakaea mo nga moni keehi i pau i nga whakawa mo te whenua kua whakahuatia ake nei.
5.	Kaua tetahi Ota Kaunihera i hangaia i raro i te mana o te tekiona 90 o te Ture mo nga Mahi Nunui, 1908. i raro ranei i te mana o tetahi tekiona pera o tetahi atu Ture e whakamana ana i te tangohanga whenua maori, e ahei kia tautohetia, kia whakahengia ranei i runga i tenei take, ara, ehara te whenua e meatia ra kia tangohia i te whenua maori i roto i nga tikanga o te Ture na reira nei i whakamana kia hangaia taua Ota Kaunihera; a ko ia Ota Kaunihera pera ka whaimana i runga i tona aronga, ahakoa te he, te raruraru ranei o te huarahi i tangohia ai taua whenua.
6.	Ko te whenua e whakamaramtia nei i te Kupu Apiti Tuarua ka kiia mai ano o te 25 o nga ra o Hanuere, 1899, he rori mo te katoa i tau ki te Kingi.

Kupu Apiti Tuatahi.

Katoa era whenua, kei te Takiwa Whenua o Akarana, a kei Poraka VI o te Takiwa Ruuri o te Rotoiti, te nui 10 eka 17 paati, 5 eka 1 ruuri e 28 paati, me te 26 eka 2 ruuri 27 paati, he wahi nei no Taheke Poraka: kua waitohutia ki runga ki te Mapi P.W.D. 21695, i whakatakotoria ki te tari o te Minita mo nga Mahi Nunui, i Poneke, a kua maakatia ki te kara whero me te kara puru.

Kupu Apiti Tuarua.

Katoa taua whenua, kei te Takiwa Whenua o Akarana a kei Poraka VI o te Takiwa Ruuri o te Rotoiti, te nui 1 eka 22 paati, he wahi no Taheke Poraka: kua waitohutia nei ki te mapi No. 5516a, i whakatakotoria ki te tari Ruuri i Akarana, a kua maakatia ki te kara puwhero.