.jpg)
Nga Ture O Niu Tireni: I Pahitia I Roto I Te Tau Wha Te Kau Ma Rima O Te Kuinitanga O Kuini Wikitoria, Me Te Nohoanga Tuatorutanga O Te Paremete Tuawhitu O Niu Tireni, I noho ki Poneke i timate i te rua te kau ma waru o nga ra o Mei, 1881.
[He Ture hei whakatikatika i 'Te Ture Whenua Maori, 1873.']
Na Ka Meingatia hei Ture e te Runanga Nui o Niu Tireni e noho huihui ana i roto i te Paremete, i runga hoki i te mana o taua Runanga, nga whakaritenga i raro nei:—
| 1. | Te Ingoa Poto o tenei Ture ko "Te Ture Whakatikatika 1881, i te Ture Whenua Maori, 1873." |
| 2. | Me panui tenei Ture ano ko tetahi wahi o "Te Ture Whenua Maori, 1873," (a muri nei whakahua ai "ko taua Ture.") |
| 3. | Ko te kupu "hook" i roto i taua Ture e pa ana ki nga tuku katoa, ki nga tuku a tetahi ki tetahi, ki nga hoko ranei e mohiotia ana e te Ture, ahakoa mo te moni mo te aha atu ranei.page 2 |
| 4. | I mua atu i te whakaotinga o tetahi hoko, tetahi tuku ranei, tetahi hoko ke ranei, mo tetahi whenua e puritia ana i raro i tetahi tuhinga whakamaramatanga take, i tetahi tiwhikete ranei, ma te Kooti e whakamarama ki nga tangata nona te whenua te tino tikanga me te mana o aua tu hoko, o aua tuku ranei, a me marama te Kooti i roto i aua mea katoa e mohio ana nga tangata nona te whenua ki te tikanga o roto i aua mea e whakaotia ana:—Ko te tekiona ono te kau i roto i taua Ture ka whakakahoretia i konei. |