He Panuitanga ki Nga iwi o Aotearoa me te Waipounamu.

Kia Rongo Nga Iwi katoa e noho i nga Motu e rua nei. Ara, i Aotearoa me te Waipounamu. Notemea,— I Whakahaua e Kiingi Tawhiao Te Aahaoterangi Potatau Te Wherowhero i roto i tona Kaunihera, i te Kauhanganui o Aotearoa me te Waipounamu "Kia Whakawakia nga whenua o nga Iwi Maori e nga Kaiwhakawa e Whakaturia ana e te Kawanatanga o te Kiingitanga Motuhake o te Iwi Maori.

Na, i te mea e whai Honore ana ahau i roto i te Kaunihera o te Kiingi. Koia ahau ka panui atu nei ki a koutou e nga Iwi. "Kua Whakamana a Te Ua Karanama Maungapohatu Harawira" kia Tu ia hei "Rehita' mo taua Kooti Whakawa whenua Maori, i raro i te Mana o Kiingi Tawhiao. Na he whakaatu tena kia koutou, ko nga Pukapuka Tono Whakawa Whenua Maori katoa, me tuku atu ki a ia ki Maungakwa.