Ka puare te whare 2 p.m.

H. Tomoana—Ko au te kai whakahaere o te Aputihana otira ko au anake ano tenei a kaore hoki nga mema tuturu o te Aputihana i konei. E rua aku kupu ko te kupu i puta i mua kia whakahaerea te Kotahitanga kia oti (2). Ko te kupu a te Tumuaki. Ka whakahaerea e aku Minita nga mahi kia oti. Heoi no te ahiahi nei kua whakaturia a H. Mangakania, hei Pirimia, he ritenga hou tenei heoi ko taku hiahia me waiho ma nga mema o noho nei e whakatu he Kawanatanga. Ka hoatu ahau i taku Motini.

Henare Tomoana—E nga Honore Mema e whakatu ana ahau i taku kotahi hei Aputihana.

Tamati Hapimana—Kia ora tatou katoa. A e tapiri ana ahau ki raro i nga korero a Henare Tomoana.

Nikora Tautau—He taima poto tenei notemea ko te wa mutunga mai tenei o nga mema mo tenei Paremato, kei te tau e haero mai nei ka pootitia houtia ano he mema a hei reira pea ka whakatu ai he Kawanatanga hou me tona Pirimia.

Hau Te Horo—Mehemea ka turakina tenei Kawanatanga kei hea he upoko mo tenei Kawanatanga, engari kia oti nga take a te Kawanatanga hei muri ka paakaru i te Kawanatanga ka pai.

T. Waata—Ko te tau mutunga tenei mo tenei Kawanatanga kei te tau e haere mai nei ka pootitia houtia ano.

Mohi Te Ata—Kaore noa iho he take mo te whakakore i te Kawanatanga notemea he mea ata whakaae tenei Kawanatanga e koe e te Arawa me te rarangi ingoa e takoto mai ra me o koutou mema kua oti te whakaoati hei mema mo tenei Kawanatanga.

Te Wakaimoa—E tautoko ana au i te korero [unclear: a] Mohi Te Ata.

M. Heretaunga—

Hautu Hemi—

Hemi Te Tupara—E inoi atu ana ahau kia Mangakahia kia unuhia taua whai kerero.

H. Mangakahia—Kaore e taea te unu notemea na te Tumuaki ahau i whakaati.

Korowhiti—Kua oati ahau hei mema mo tenei Kotahitanga a e tatari ana au ki nga mahi, e mea ana au ahau kia tere te mahi i nga mahi kia oti.

M Paewai—E whakamihi atu ana ahau ki nga mema Honore o noho noi i roto o tenei whare.

H. Mangakahia (Pirimia)—Kia rongo au i nga korero a te Aputihana hei reira ahau ka mohio. E inoi ana ahau ki te Pika kia panuitia mai te Pire a te Kawanatanga ka hoatu nei.

H. Rapihana—E inoi ana ahau kia panuitia mai nga Motini, me panui mai i taku.

N. Patuawa—Tautoko.

H. Paerata—E tono ana ahau kia panuitia mai ki te whare.

H. Tomoana—Mo te 7 p.m. ka korero tuarua i taku take. E Motini ana ahau ko Mita R. Hohepa hei karaka kia oatitia.

K. Te Poihipi—Tautoko.

H. Mokopapaki—Ma wai e utu te karaka?

H. Paerata—Ko te take o te Motini, i oatitia ia i Pakirikiri, ekore o mana ki konei, no reira e tono ana ahau kia mahia tenei take i, naianei kia oti, a me oati rawa ia kia tino whai mana.

N. Tautau—E tono ana ahau kia tukua mai te pooti, me oati te karaka.

M. Paewai—Tautoko.

H. Mania—Tautoko.

M. Teata—E mihi ana ahau ki tenei Motini e mea ana hoki ahau me tino mahi tenei take kia oti.

page 21

H. Tomoana—kei runga te karaka i ahau i te Aputihana, e noho ana maku a ia e utu. Ko nga korero katoa maku anake no Turanga i whakatuturutia ai e Hoori Ropiha a ia hei karaka mo te Aputihana. E tika ana te Motini a te Minitia o te Kawanatanga, me i kaua kau paahitia e ahau nga pukapuka maku anake a e mea ana ahau hei Minita koe.

Tiamana—Ka tukua te pooti.

Kua whahaaetia, Maehe 27, 1895, no tenei ra ahau i whakaoatitia ai hei karaka mo te Paremata.

Kua paahitia 27 Maehe, 1895, M. R. Hohepa.