Title: Nga Huarahi Whakahaere o Te Kooti Whenua Maori

Author: Native Land Court

Publication details: 1890, Wellington

Part of: He reo ture nō ngā Kōti me ngā Taraipiunara / Court and tribunal language

License: Creative Commons Attribution-Share Alike 3.0 New Zealand Licence

Share:

page break

Onero, Kawana.

Notemea i runga i nga tikanga o "Te Ture Kooti Whenua Maori, 1886," me "Te Ture Whakatikatika, 1888 i te Ture Kooti Whenua Maori, 1886," me "Te Ture Whakatikatika i Nga Ture Kooti Whenua Maori, 1889," i meingatia hei ture ka whai mana te Tumuaki o te Kooti Whenua Maori, i runga i te whakaae a te Kawana i roto i tona Kaunihera, ki te whakatakoto huarahi whakahaere i ia wa i ia wa mo nga nohoanga, mo nga mahi, mo nga tauira, me nga whakahaere o te Kooti, mo nga tangata katoa hoki e mahi ana i raro i te mana o te Ture kua whakahuatia tuatahitia i runga ake nei, mo te whakarite hoki i nga moni e tika ana kia utua i raro i nga tikanga o taua Ture mo te wa me te huarahi e utua ai aua moni, mo te tono hoki e tino utua ai aua moni; me te hanga i etahi atu huarahi whakahaere hei whakarereke hei whakakore atu ranei i enei:

No reira ko Ahau ko Hiu Karena Heta Mete te Tumuaki o taua Kooti i raro i te mana kua whakataua nei e aua Ture ki ahau ka whakakore atu nei i nga huarahi whakahaere katoa e mana nei inaianei a ka hanga i nga huarahi whakahaere e whai ake nei.