He Pire i Huaina
He Ture hei whakatikatika i "Te Ture Whakatau Rahui o te Tai Hauauru 1881 Ture Whakatikatika, 1884."
Na i runga i nga tikanga o "Te Ture Whakatau Rahui 1881 Ture Whakatikatika, 1884" (e kiia nei i konei "ko taua Ture"), e hiahiatia ana kia whakaae nga Maori katoa e whai take ana ki tetahi whenua kia whakaae kia rihitia houtia i raro i taua Ture hei riwhi mo tera kua whakamutua, a i te mea hoki he maha nga kehi e uaua ana te riro mai o te whakaae a te tangata i runga i te mea e ngaro ana aua tangata whai take i runga hoki i te kore kahore e whakapuaki etahi atu i o ratou hiahia mo runga i aua take a kia ma te whakatu i tetahi Ateha Maori i runga i nga take o nga Maori whai take ki te whenua: e hohoro ai te whakahaere i nga tikanga o taua Ture.
Na Ka Meinga Hei Ture e te Runanga Nui o Niu Tireni e noho huihui nei i roto i te Paremete, i runga hoki i te mana o taua Runanga, nga whakaritenga i raro nei:—
1. | Ko te ingoa poto o tenei Ture ko "Te Ture Whakatau Rahui o te Tai Hauauru 1881 Ture Whakatikatika, 1887." |
2. | Ko tetahi riihi ko etahi riihi ranei i raro i taua Ture e hiahiatia ana kia tukuna kia mutu ai te riihi a te toru tekau o nga ra o Hune i roto i tetahi tau ka ahei kia tukuna kia mutu ai te riihi i te ra kua whakahuatia i runga ake nei i runga ranei i te toru tekau ma tahi o nga ra o Tihema ara i tetahi o aua ra i kitea ai he pai kia peratia. |
3. |
Ki te mea ka whakamutua tetahi riihi i raro o te tekiona tekau ma toru o taua Ture, ka ahei ano te tuku i tetahi riihi hou i raro i taua ture, erangi me whakarite nga moni reti ki nga moni e maharatia ana he moni tika hei utu mo te whenua e uru ana ki roto i te riihi apiti atu hoki ki nga mahinga i taua whenua, haunga ia nga utu o nga whare nohoanga nga whare takotoranga taonga mahi paamu, i runga ano ia i nga tikanga o taua Ture kua whakahuatia nei, i runga ano hoki i nga whakaaetanga ki waenganui i te Kaitiaki o te Katoa me nga kaitango riihi me tetahi Ateha Maori e whaka-turia e te Kawana hei whakahaere i nga take o nga Maori whai take ki te whenua. A ko nga tikanga o tenei tekiona ka pa whakamuri a ka kiia i timata te mana i te tahi o nga ra o Pepuere i te tau 1886. |
4. | Mehemea ka tuhaina te moni reti mo tetahi whenu ki nga tangata e whai take ana e te Kaitiaki o te Katoa i runga i nga ritenga o tekiona te tekau ma rima o taua Ture me kahiti marire taua wehenga moni a he tohu taua kahititanga kua ata wawahia tikatia aua moni reti. |