Other formats

    Adobe Portable Document Format file (digital text)   TEI XML file   ePub eBook file  

Connect

    mail icontwitter iconBlogspot iconrss icon

The Ancient History of the Maori, His Mythology and Traditions. Nga-Ti-Whatua [Vol. XIII]

Nga Rongoa Mo Nga Mate Katoa

page (305)(1)

Nga Rongoa Mo Nga Mate Katoa

Ko nga tohunga nga Kai mahi mo nga mate katoa, ahakoa mate turoro, mate i te patu whawhai, mate i te whara, i te hinga, i te takoki ranei.

Ka karakia te tohunga ka mutu tera, he karakia ano mo ia mate mo ia tu, mo ia mea katoa.

Mo te tu i te tao, i te wero ki te kiri, ka tikina he kakaho, a ka mainga te kakaho kia kii i te wai, a ka rangia te kakaho ki te wai kia wera wera ai te wai i roto i te kakaho, a ka toutoua te wai wera o aua kakaho ki te wahi o te tu, he mea ano ka hoatu he wai ki te paua, ki etahi atu pupu nunui ano hoki a ka hoatu aua pupu ki runga ki te ahi kia wera wera, a ka pani pania taua wai ki te mate, he muka te mea hei pani pani, he mea ano he mea mahi ki te kiri o te aute, he mea ano he mea mahi ki te muka o te wharawhara te wai ki te mate, ka mutu te mahi ki te wai wera, he mea oka oka te mate ki te oka, he rakau te oka, he mea mahi taua oka kia pai, ko te rakau e mahia ai taua oka, he korokio, he mea ano he koromiko, he mea ano ka mahia taua aka ki te ngaingai kokota ranei pipi ranei, ano ka mutu te oka oka te mate, ka mahia taua mate ki te wai matao, he mea mahi he wai ki roto ki te pupu paua, a ka miri miri ai taua wai ki te mate, he huru huru kakapo, ranei he huru huru Pakura ranei a he mea ano ko te huru huru putakitaki, he mea taua wai matao i hoatu ai ki te mate miri miri ai kia ora ake ai te mate. Ka mutu tena, ka hoatu te hinu kekeno ranei, te hinu weka ki roto ki te paua, a ka mahana taua hinu ka miria page (Nga Rongoa Mo Te Tu)(B13)(2)ki te mate, he huru huru manu te mea hei miri i taua hinu ki te mate, ko taua hinu i te wa e miria ai ki te mate, kia wera taua hinu kia tu a Koropupu. Ka miria te hinu ki mua, muri iho he wai matao ka miria ano, muri iho he hinu ano, muri iho he wai matao ano, ka roa e penei ana, ka mahia a waho o te wahi i motu i te tu kia tu a whewhera, i peneitia ai he mea kia heke te pirau ki waho, ka tae te tohunga ki te too korari maroke, ka tahuna ki te ahi me te karakia ano, a ka pungarehu taua toa, ka nui ruia taua pungarehu o taua toa ki runga ki te mate, ka mutu tera, ka takaia te mate ki te kiri kakapo, a he mea ano ki te kiri o te Pakura, Whio, Putakitaki, ko nga huru huru ki te taha ki te mate, a ka takaia taua kiri manu kia mau ai ki te mate, he mea here ki te korari. Ao ake te ra ka tirohia te mate, a e pai ana ka waiho te kiri manu kia mau tonu, mehemea e kino ana, ka mahia ano aua mahi i mahia ra i te timatanga, a po tonu ka mahia penatia ano a ora noa te mate, he mea ano e kore e taka ki nga ra e rima, a te kau, kua ora te mate.

I te wa e mahia ana te mate he mea pupuri te turoro e nga tangata kia noho pai ai kei korikori.