E whiti e te Ra, e maene ki te kiri,
Whakarongo ki runga ra, me he tai e ngaehe
Naku anake ra-nge, te kupenga ia te Mate
E tamumu noa nei e te ngaro o te waru.
Kei whea te pu rimu, kia ringia iho,
Na te mamae ra-nge, riro rawa ki roto ra,
Ka hua ana hoki, ka mutu i mua ra
Te rangi o te mate, he taura i whakahoro
Ka kite koutou e te mano e takoto,
Ka tahi te hanga kino, ko te tara a te ngutu,
E kiia mai nei, naku i whakahohe
O mahi ona mata, homai me te tara nei
Me taua, me horahora tu, kia kite
Te marea i oku haranga, he ika ka koharatia i, i.

He waiata aroha na te wahine mo tana tane, me ana
tamariki i mate i te taua, a korerotia kinotia ana
aia e tana iwi.