The Ancient History of the Maori, His Mythology and Traditions: Tai-Nui. [Vol. IV]
[title page]
Ko Nga
Tatai Korero Whakapapa
A Te Maori
Me Nga Karakia O Nehe
A Nga Tohunga
O Tai-Nui.
I Mahi.
Pukapuka Tua-Wha.
Werengitana:
Na Te Kawanatanga I Ki Kia Taia E Hori Titipere, Kai Ta Perehi
A Te Kawanatanga.
1887.
Kauwhautia mai te kauwhau o te kino,
I pu ai te riri; i mau ai te pakanga,
I hirihiri ai te niho o Taku-rua,
Ka rato tahi ano ki te papa teretere,
Ki Wai-kawau, ki Puke-tehe ra ia,
Ka rere ki Tauranga.
Ianei e te iwi, kia mau te pupur
I te oneone, i kiia iho ai.
No muri e tama, kei pehia koe
E nga kii rarahi, whakaputa to reo
Ki te kauwhau riri, ki te korero o te toa,
Kia hapainga koe e te mano e takoto.
Nei koa taua te kiia mai nei,
He kamenga (kainga) mahue, e mahue ana
Manaia mo Ra-roke-nui
E mahue ana Moe-hau, mo Pakihi
Mo Koukou-rahi, ka rato i te kino.
Herea mai e koe i a Puhi-taniwha-rau
(Nga-puhi) hei huna ki a ngaro:
E kore e ngaro, he takere wakanui,
Ko te potiki toa a Maru-tuahu
I pepehatia ai, ko “Te-ngako-ringa-kino.”
Haere mai e koe i te tai marangai
Ki Mo-titi ki Mo-tata,
Nowhea e ngaro, ko Te-manu-ra-runga
E horo i te tangata. Nei koa taua
Te kiia mai nei, he pahore i te niho.
E pai ana tena, ka te tami atu
Ki te umu taurekareka i whakaita iho
I maua e koe i te whakau whare.
Kihai koe i kite, i te wharona awatea,
I te manawa tohe riri,
No te atua o te po e, i.
Ma Hahu-koiwi i whakatahaina ai
Mo Tarake-puha i tauwehea ai
Mo te Ahi-tapoa ka mamao ki tawhiti.