Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

He pukapuka ako tenei i nga ritenga pai e-maha o roto o te taonga nei o te moni, i nga tikanga pai hoki, o te hokohoko, o te aha, o te aha

Upoko IV. — He whaitakinga tenei i Ngu tikanga — o — Nga Moni Katoa

page 21

Upoko IV.
He whaitakinga tenei i Ngu tikanga
o
Nga Moni Katoa.

Na te aha ra i marere noa ai te taonga mo te Hanga meroiti nei, mo te Hiriwa—mo te Koura—mo te Kapa?— tenei ano; Akuanei, ka pataia ki te tangata te tikanga i riro ai te taonga i te moni—ka ki mai—he pai ano nona— inahoki—ekore te mano o te taonga e takoto i aua Moni meroiti nei—Ahakoa mea, haere ana ka riro; Ko nga Taro a te Kai tunu Taro—e riro—he Koti i tuia e te Kai tui Kakahu e riro—te Taonga katoa e riro, e kore e takoto i nga were moni nei—ko tona tikanga hoki he takawaenga —tona ingoa nui he Hokohoko:

No nahea ra i timata ai te tikanga o te Hokohoko o te Moni? Na te aha ra Nga Iwi o te Ao i rite katoa ai te whakae ki te tuku noa atu i o ratou taonga mo nga wahi Koura iti nei, Inahoki—heoti ano tona pai to te Koura, to te Hiriwa—ko te whakawhiwhinga kautanga ki te ringa o te tangata, muringa iho ano, ka riro ke atu te hoko— heoti—te aro noa mai te tangata ki nga Kirikiri ki nga Kowhatu maori—inahoki wahi—iti nei hoki—he rite tahi te pai ki to te Koura—ki to te Hiriwa; Aea ranei, ka waiho ko nga Kirikiri hei Moni—ko nga Koura ko nga Hiriwa me whakarere:

Ko etehi tangata e ki ana—na te Tohu o nga Kingi o page 22nga Kuini—kua rapa ki runga ki aua Koura nei—i kiia ai he moni—he hori, he tito tahi—Inahoki, mehemea he Kapa i rite tahi tona nui ki to te Hereni—whakapa rawa ki te ahua o te Kuini—karanga rawa hei Hereni—kaore hoki e tika—ekore te tangata e aro ki tenei tu hereni—ahakoa ranei hokoa atu taua kapa nei—ekore te tino taro e taka mai—kei tona tikanga ano, kei, to te Kapa, te mareretanga mai o te Taro—ko to te Hereni he hipa ake ina riro mai; Ma te Ture e ki taua Kapa nei kia karangatia hei Hereni he tika —ko te ingoa kau ia—ko te ahua—e mau tonu to raua ahua—he ahua ke ano to te Hiriwa—he ahua ke ano to te Kapa—nokonei i mohiotia ai, ahakoa Ture, Ahua Ranei o nga Kingi, o nga Kuini, he tikanga ke ano te tikanga i taongatia ai te Moni.

Tenei ake ano.—Akuanei ko nga Hereni pea e maha whakarewaia ai ki te ahi—ano ka rewa—tena ano tona utu e rite ki to te Hereni Maori—ahakoa rewa i te Ahi— he Hiriwa tonu—kaore ano i poka ke te ahua—Ko te tu ano hoki tenei o te Koura, o te Kapa—ahakoa, rewa i te ahi —ko te ahua o te Koura, o te Kapa, e mau tonu ana; Mei kore te pai o tenei hanga o te Hiriwa o te Koura— ekore ianei e raweketia hei taonga Hokohoko.

Heoti—ehara hoki i kiia ai, ko te Moni anake te taonga. —Kei etehi Iwi he tikanga ke ano—Kei nga Iwi Mangumangu—he hori te hanga nei te Moni—tera ke ano tana Moni, he Kokota—tuitui rawa hei Hei—kaki— waiho rawa hei Moni—ka hokoa ki te kai—ka onotekau kokota—ora rawa te tangata mo te ra tahi i te kai—a—He Iwi ano,—he kakahu,—tapahi rawa kia nonohi—waiho rawa hei Moni—ehara i kiia ai—hei kowheka—kao—hei hoko noa atu ki te taonga.

Engaro—he hanga kino te tu i nga Kokota nei—kihai i page 23rite te pai ki te Moni Hiriwa—ki nga Koura—ki nga mea pai —ki nga mea iti—ki nga mea maro—ki nga mea ora; Ahakoa iti, ina tirohia e te kanohi,—ko te utu i nui—ko te Kapa i kore—ehara te Kapa—he mea taimaha— inahoki—hokoa atu ki te Hoiho ki te Kau ranei—e taimaha te tangata i te pikaunga Kapa—ka pa ano, kei ta te Koura—ahakoa tekau nga Hoiho, ma te Kapukai o te ringa e hapai nga Moni ina Utua atu ki te Koura.

Ka kite nei tatou i te pai o te Koura—koiano,—he pai ano hoki to te Noti—tona tikanga to te Noti ko nga Moni kua karangatia i roto, mei kaua te karangatanga o nga Moni o roto—tena ianei ekore e tahuritia e te tangata—nei ra—na te ngakau ka mohio he moni tonu—koia te Noti—te taonga mama—te taonga rawe,— i paingia ai e te tangata—he whakaronga no te ngakau— tera e riro mai he moni ina tiaitia atu—e riro hoki te taonga te hoko e tenei hanga e te Noti—inahoki—kua kitea tona ritenga—he moni tonu—he tino taonga.