.jpg)
Nga Mahi A Te Hui O Te Hahi Maori Atirikonatanga O Te Waimate Pihopatanga O Akarana. I Huihui ki Waimamakau IA Hanuere 31 Me Pepuere 1, 1896. Me Nga Mahi A Te Hui O Te Hahi Maori O Te Atirikonatanga O Waikato. I Huihui Ki Otorohanga IA Aperira 14, 15, 1896.
Nga Mema O Te Hui Tuatahi O Te Atirikonatanga O — Waikato. — Ko Te Paraimete O Niu Tireni Te Upoko
Nga Mema O Te Hui Tuatahi O Te Atirikonatanga O
Waikato.
Ko Te Paraimete O Niu Tireni Te Upoko.
Nga Minita.
| Rev. Hohua Moanaroa | Te Karaka |
| Rev. Heta Tarawhiti | Taupiri* |
| Rev. Wiremu Turipona | Hauraki* |
| Rev. W. Hoete Matete | Reweti |
| Rev. Taimona Hapimana | Pourewa |
| Rev. Nikora Tautau | Pourewa |
| Rev. Ranapia Mokena | Hauraki |
Nga Minita uru mai.
| Rev. Matiu Kapa | Kaikohe |
| Rev. Wiki te Paa | Waimamaku |
| Rev. Hone Papahia | Hokianga |
Nga Mangai Reimana.
| Hone Hetete | Otorohanga |
| Taonui Hikaka | Otorohanga |
| Mehana Tuhoro | Otorohanga |
| Paratene Kapa | Pourewa |
| Wiremu Huihi | Kopua |
| Ekana Wharakura | Waahi* |
| Arekatera te Puni | Waotu* |
| Matengaro Hetete | Kuiti |
| Huirau | Oparure |
| Rawiri Hauparoa | Waitomo |
| Nikorima Poutotara | Hauraki* |
| Tame Paraone | Manaia* |
| Poari Paeuta | Kirikiri* |
| Mita Karaka | Te Karaka |
| Akuhata Mokena | Puriri* |
| Weneti Ruarangi | Herepiti* |
Ko te karakia i te Turei Aperira 14 i te 11 o nga haora. E rima tekau nga tangata i te karakia; 15 i tango i te Hapa Tapu. Ko te ohaoha £1 1s 6d i tukua mo te perehitanga i nga Mahi o te Hui. I te toru o nga haora ka mine te Hui ki te Horo a Hone Hetete, a ka mutu te karangaranga nga ingoa o nga mema, ka timataia te mahi e te Upoko ki te inoi. Muri iho ka tu te Paraimete ki te whaikorero—koia tena:—
page 27
I nga tau tuatahi o toku nohoanga ki Nui Tireni, kihai nga Pakeha i tukua mai ki tenei waahi o to Pihopatanga; a kihai i whai wahi te Hahi Maori. Tupu ake ana he whakatupuranga kahore i mohio ki te Rongopai o Ihu Karaiti. Inaianei kua rere ke te ahua, a kua ngakautahi te Pakeha me te Maori kia nohotahi i runga i te rangimarie, i runga i te aroha. I tae tae mai ano nga minita Maori o raro e era tau tau ki te tirotiro i o konei tangata, otira kihai i ata paingia e te katoa. Ko te rua tenei o nga tau o taku tononga mai i nga minita tokorua kia noho tuturu ki te Pourewa kia mahi ai ki nga kaainga o taua takiwa. Kua manakohia aua hoa o taton, kua whai tikanga ta raua mahi. Ko ta raua wahi e noho nei kei tahaki o te nuinga o te tangata, na reira i mea ai ahau me kore ranei e taea te whakaneke tetahi o raua ki waenganui o te iwi tokomaha. Tera pea e kitea e Ngatimaniapoto tetahi whenua hei nohoanga me te whare me tetahi wahi oranga mo taua minita! Tena te mea e tupu ai te Whakapono, ko te ako i nga tamariki i nga kaumatua hoki ki te Katikihama o te Hahi, ko te whakarapopotonga hoki tenu o nga tikanga o te Rongopai. Kia puta ano te uaua ki te tuku i nga tamariki ki te kura kia riro ai te reo Ingarihi. Ko te kuwaha hoki tena ki te matauranga o te Pakeha. E ahua pouri ana ahau mo te ruarua o nga mangai reimana i tae mai ki te Hui, otira he take ano pea i noho atu ai. Tokotoru o nga minita o te Atirikonatanga o te Waimate e noho nei. Te take o to ratou haere mai he mea kia mohio ai tenei pito o Hahi kei te mahara mai tera pito ki koutou.
Whakaaria e Rev. N. Tautau, tautokona e Rev. T. Hapimana—E whakapai ana te Hui ki a te Upoko mo tana whaikorero, a e tono ana kia perihitia.
Whakaaetia ana.
Whakaritea ana ko Rev. T. Hapimana raua, ko Hone Hetete hei kaituhituhi.
Homai ana te pire moni o te Pourewa, me nga whakaari motini me nga patai.
I te Weneri ka mine ano te Hui i te hawhe paahi o te tekau.
Whakaaria e Rev. N. Tautau, tautokona e Rev. H. Moanaroa—Kia whakamutua te mahi Ratapu a nga Hauhau Pakeha.
Whakaaetia ana.
Whakaaria e Rev. N. Tautau tautokona e Rawiri Hauparoa—Kaua a Hohepa Tana e nekehia i Waikato ina whakaminitatia.
Whakaaetia ana.
Rev. N. Tautau, he Patai—Ekore ranei e ahei kia hokia ano he korero mo Hopuhopu? Whakahoki—Ekore e ahei.
Paratene Kapa. E peheatia ana nga moni mo te reti o te taone i te Awamutu? Whakahoki a te Upoko—Ekore au e mohio.
Whakaaria e Rev. T. Hapnnana, tautokona e Rev. N. Tautau—Kia puta he whakaaro i tenei Hui mo tetahi kura ki Hopuhopu.
Whakaaetia ana.
Whakaaria e Rev. T. Hapimana, tautokona Rev. N. Tautau—He tone ki te Pihopatanga ki waihotia he Paipera, he Rawiri ki te Hohipere, ki te Whare herehere.
Whakaetia ana.
Whakaaria e Rev. T. Hapimana tautokona e P. Kapa—Kia tukua he minita Maori ki nga wahi katoa o Niu Tireni hei rapu orange mo te Hahi i Waikato.
Whakaaetia ana.
Whakaaria e Rev. T. Hapimana tautokona e Rev. N. Tautau—He kupu whakapai na tenei Hui mo Kingi Mahuta mo tana whakatapunga i te Ratapu i roto o Waikato.
Whakaaetia ana.
Paratene Kapa—he patai—Ekore ranei e whai mana nga rikona ki te iriiri kaumatua? Te whakahoki a te Upoko—Ae ka whai mana ano.
Whakaaria e P. Kapa, tautokona e W. Huihi—Ki te Pourewa te Hui o te Hahi Maori o Waikato a te tau 1897.
Whakaaetia ana.
Whakaaria e Atirikona Karaka tautokona e Rev. W. H. Matete—He whakapai ki te whakamanuwhiri a te tangata whenua, ki a Hone Hetete hoki mo te tukunga noatanga mai o tenei Hooro.
Whakaaetia ana.
Whakaaria e Rev. T. Hapimana, tautokona e Rev. N. Tautau—E whakawhetai ana tenei Hui ki nga minita o Ngapuhi mo to ratou taenga mai.
Whakaaetia ana.
Nga Moni O Te Pourewa I Te Tau 1896.
| Riro Mai. | Riro Atu. | ||||||
| £ | s. | d. | £ | s. | d. | ||
| Na R. Omipi | 1 | 0 | 0 | Tini mo te Wharekarakia | 0 | 3 | 3 |
| Na Manawaroa | 0 | 10 | 0 | Hopi, aha noa | 0 | 1 | 9 |
| Nga Ohaohatanga | 2 | 3 | 7 | Hea mo te Wharekarakia | 1 | 1 | 6 |
| Waina | 0 | 1 | 0 | ||||
| Maramataka | 0 | 2 | 6 | ||||
| Horoi Wharekarakia | 0 | 8 | 0 | ||||
| Rawiri, Himene | 0 | 2 | 3 | ||||
| E toe ana | 1 | 13 | 4 | ||||
| £3 | 13 | 7 | £3 | 13 | 7 |
* Kihai ena i tae ki te Hui.