Homai ana e nga Mangai reimana nga pire moni o a ratou Pariha. Muri iho ka kokiritia nga whakaari, me nga pitihana me nga patai.

I te aonga ake ka noho ano te Hui, a ka homai te pitihana a Ruka Huru me nga tangata o Waiparera, he tono i nga hua o te ratou tahua whangai minita o te takiwa o te matenga o Rev. Piripi Patiki tae noa ki te wa i tu ai a Rev. H. T. Papahia hei minita mo Waiparera. Whakahokia ana e te Upoko:—Ekore au e matau, erangi ma ratou e patai ki te Komiti tiaki moni i Akarana.

Ruka Huru—he Patai—Kei te ingoa ranei o Whirinaki te £50 i kohia mo te whangai minita o Waimamaku, kei te ingoa ranei o Waimamaku? Whakahoki:—Ekore au e matau erangi maku e patai.

Whakaaria e Wiremu Nepia, tautokona e Anaru Ngawaka—Ko nga kupu tuturu i whakaaetia e nga Hui o mua ake nei kia whakamana rawatia.