.jpg)
Nga Mahi A Te Tuatoru O Nga Hui Nui O Te Hahi Maori o Te Pihopatanga o Akarana. I Noho Ki Parawai, Hauraki, I A Maehe 28, 29, 30, 1887.
Ko Enei Nga Tikanga O Era Atu Hui E Mau Tonu Ana
Ko Enei Nga Tikanga O Era Atu Hui E Mau Tonu Ana.
I.
Mo Nga Kura Ratapu mo nga Tamariki.
He whakahau tenei ki nga wahi katoa o tenei Atirikonatanga mo nga Kura tamariki i nga Ratapu kia tu tonu.
II.
Kaua nga Waare-Karakia e Waiho hei Whare-Kura ra noa.
Ki te whakaaro o tenei Hui, ekore e tika kia waiho nga Whare-karakia hei whare-kura i nga ra noa, engari me whakamotuhake mo te Karakia anake; a me whakatu ano nga whare-kura. Ehara tenei tikanga i te pei i nga tamariki i nga kura, erangi he mea kia motu kē te whare-kura.
III.
Kia aroha nga tangata ki nga Minita ina haerere.
Kia whai aroha nga tangata o tenei Atirikonatanga ki nga minita ina kaerēre ki nga kainga, kia tukua noatia te hoiho me te kai-arahi.
IV.
mo nga moni haerere a nga Mangi Reimana.
Kia whakāro nga tangata o nga pariha ki o ratou Mangai Reimana, ki te whakaca i nga moni e pau ana i a ratou e haerēre ana ki nga Hui. Ko aua moni me tango i roto i nga kohikohi, me kohi ra waho ranei.
V.
Mo nga turoro kia Whakaaturia ki te Minita.
He kupu tenei ki nga tangata katoa o ia pariha, o ia pariha, mo nga turoro kia whakāturia mai ki te minita; kia kaua e waiho kia takoto noa iho taea noatia to ratou matenga, ka korerotia ki to minita. He tino mea pouri tenei.
VI.
Kia haerere nga Minita ki te tirotiro i nga kura.
Kia tae tonu nga minita ki nga kura tamariki i nga ra noa, ki te whakaako i nga tikanga o te Whakapono.
VII.
Kia whakamutua te mahi Maori ki runga ki nga tamariki.
Kaua nga tikanga Maori ki runga i nga tamariki kohunga-page 14
hunga i mua i to ratou iriiringa, hei muri ka kawea mai kia iriiria. He tino mahi hē tena; me mutu rawa taua tikanga Maori i roto i nga tangata Karaitiana.
VIII.
He mahi ma nga Hahiwatena.
Ma nga Hahiwatena o nga kāinga e whakaatu ki te Minita ina tae atu, i nga tamariki mo te iriiri.
IX.
He Rehita iriiriringa, marenatanga, tanumanga.
Kia tu nga tino Whare-karakia i nga Rehita iriiringa, marenatanga, tanumanga.
X.
Nga whenua mo te Hahi.
Kia hohoro te whakamotuhake i nga whenua mo te Hahi, karauna karaati rawa, ka tuku ai ki nga kaitiaki (trustees).
XI.
Nga kohikohi o nga Whare-karakia.
Kaua nga kohikohi o nga Wharekarakia e meinga hoi hoko kai mo nga Hui o te Hahi, erangi me ra waho he kohikohi mo ena mea.
XII.
Kai titiro moni.
Ma te minita me tetahi tangata kē, ehara nei i te Hahiwatena, e titiro nga pukapuka kohikohi, e tatau hoki i nga moni o nga Pariha.
XIII.
Tikanga mo te nehu tupapaku.
Kaua te Kaikarakia e pokanoa te nehu i te tupapaku i te me e tata ana te miuita. Kia whakaae ra ano ia, katahi te Kaikarakia ka nehu.
XIV.
Utu mo te Iriiri.
Kaua te minita e tono utu mo te iriiri; erangi ki te hiahia nga mātua kia homai noa mai he mea ma te minita, e pai ana kia tangohia e ia.
XV.
Nga tikanga e whakatakotoria ana e te Hui.
Kia whakamana rawatia nga tikanga e whakatakotoria ana e te Hui o te Hahi.
XVI.
Nga mema noho atu.
Ki te noho atu tetahi mema o te Hui, kia tae rawa ki te Upoko he reta whakaatu i te take i noho atu ai.
XVII.
Nga tohunga Maori.
Kia whakakorea rawatia te haere ki nga tohunga Maori.
XVIII.
Nga pire moni.
Kia marama rawa nga pire moni o nga Pariha ka ahei kia tangohia; ki te hē te pire ka whakahokia kia whakatikaia mai.
XIX.
Rawiri ma nga Kaikarakia.
Me tuku noa te Rawiri ma nga Kaikarakia tuturu o nga Pariha, ma nga Wharekarakia e hoatu.
XX.
Kia kaua rawa te Hahi Maori e wehea mai i te Hahi Matua, ara i te Hahi o Ingarangi.
XXI.
Kia whakatuturutia nga tau e tu ai te mangai Reimana ka ahei ai kia pooti ano, hei te toru o nga tau.
XXII.
Kia whakaaro te Hahi Maori ki te whakatakoto i nga moni toenga o nga Pariha hei oranga mo ratou.
XXIII.
Kia kaua e kahore he moni kawe i te Rongo Pai i nga pire moni o nga takiwa, ahakoa nui, iti ranei.
XXIV.
Kaua rawa e hahua te tupapaku i tanumia ki nga wahi i whakatakpua hei Parikarauna.
XXV.
He mea tika hei Matuaatua te papa me te whaea, a ma raua o whiriwhiri he tokotoru mo raua.
XXVI.
Me puta tonu te takoha marena i taina ano o te marenatanga.
XXVII.
Me tuku atu nga iriiringa, nga marenatanga, me nga page 16
tanumanga e nga minita i ia tau, i ia tau kai tuhia ki tetahi Rehita nui hei tiaki ma te Pihopa.
XXVIII.
Ko nga kaikarakia e whakaturia ana e te minita, me ata paanui i roto i nga wharekarakia kia mohio ai te katoa.