Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Mahi A Te Hinota Tuatoru O Te Pihopatanga O Waiapu, I Whakaminea Ki Waerengaahika, Turanga. 2 Maehe, 1864.

Tairei Maehe 3

Tairei Maehe 3.

Timataia ana e te Pihopa ki te Inoi.

Muri iho ka panuitia ka whakapumautia nga korero o tera huihuinga.

I whakaaria e Archdeacon W. L. Williams, i tautokona e Karauria te Iwirori;

page 10

"He whakaae tenei na tenei Hinota ki te Tuuturu o te Pihopatanga o Nui Tireni i whakatakotoria i te tahi o nga ra o Maehe 1861. ara, "ki te kahore e whakahuatia tetahi Minita ki te Pihopa, i roto i nga marama 12 i muri iho i te whakaaturanga a te Pihopa i te wateatanga o te Pariha, ma te Pihopa e whakarite he Minita mo taua Pariha, ahakoa kahore i whakahuatia e nga Kai whakahua." Me whakaatu hoki e te Pihopa tenei Tuuturu ki te Komihana Tuuturu o te Hinota Nui."

Whakaaetia ana.

I whakaaria e Archdeacon W. L. Williams, i tautokona e Hone Pirihi te Rangi;

"Kia whiriwhiria he Komiti hei rapu i tetahi tikanga mo te utu i te perehitanga i nga mahi a te Hinota."

"Nga tangata mo tenei Komiti ko Rev. M. Pahewa, ko Wiremu Pere, ko Karauria te Iwirori, ko Hone Pirihi, ko te kai whakaari."

Whakaaetia ana.

I whakaaria e Rapata Wahawaha, i tautokona e Hori Ngangaro;

"Kia whiriwhiria he Komiti hei uiui i te ahua o te mahi a nga tangata o ia Pariha o ia Pariha i nga mahi maori a o ratou Minita, kei te whakaritea ranei te ono o nga Tuuturu o te Hinota tuarua, kahore ranei."

"Nga tangata mo tenei Komiti ko te Pihopa, ko Rev. R. Waitoa, ko Pitihera Kopu, ko Hori Ngangaro, ko te kai whakaari."

Whakaaetia ana.

I whakaaria e Rev. E. B. Clarke, i tautokona e Patara Wahaaruhe;

"Kia whiriwhiria he Komiti hei uiui i te ahua o nga whare Minita o ia kaainga o ia kaainga kia korerotia ai ki te Hinota."

"Nga tangata mo tenei Komiti ko Rev. R. Kawhia, ko Hori Mokoera, ko Hamiora Mataora, ko Patara Wahaaruhe, ko te kai whakaari."

Whakaaetia ana.

I whakaaria e Rev. E. B. Clarke, i tautokona e Pita Tauhou;

"Kia whiriwhiria he Komiti hei hurihuri i te Ture hei whakatu i tetahi Komiti Tuuturu mo te Hinota o te Pihopatanga o Waiapu"

"Nga tangata mo tenei Komiti ko Atirikona Wiremu, ko Rev. T. Huata, ko Hotene te Horo, ko Renata Atopaki, ko Pita Tauhou, ko te kai whakaari."

Whakaaetia ana.

page 11

I whakaaria e Rev. E. B. Clarke, i tautokona e Hori Mokoera;

"I te mea e whiriwhiria ana he Minita hei mangai mo nga minita o tenei Pihopatanga ki te Hinota Nui, heoi ano nga tangata mana e whiriwhiri ko nga minita e hoatu nei nga ingoa ki te tino kai Rehita marena e te Pihopa o tenei Pihopatanga."

Whakaaetia ana.

I whakaaria e Rev. R. Kawhia, i tautokona e Apiata Parehuia;

"Kia whiriwhiria he Komiti hei uiui i te ahua o nga Kura Tamariki, o ia kaainga, o ia kaainga, o tenei Pihopatanga."

"Nga tangata mo tenei Komiti ko te Pihopa, ko Epiniha Waikaaho, ko Hori Ngangaro, ko te kai whakaari."

Whakaaetia ana.

I whakaaria e Archdeacon W. L. Williams, i tautokona e Rev. E. B. Clarke;

"Kia komiti te Hinota ki te hurihuri i etahi Tuuturu a te Hinota tuarua mo te whiriwhiringa i nga Hinotamana."

Whakaaetia ana.

Komiti ana te Hinota.

Korerotia ana te 5 o nga Tuuturu.

I whakaaria e Rev. E. B. Clarke, hei kupu whakatika, i tautokona e Renata Atopaki;

"Me kape tenei wahi; "Kia puta i waenganui o te 10 o nga ra o Nowema, o te 10 o nga ra o Tihema." Me whakanoho ko tenei; "kia puta i nga ra o Nowema."

Whakaaetia ana.

Korerotia ana te 6 o nga Tuuturu.

I whakaaria e Archdeacon W. L. Williams, i tautokona e Rev. E. B. Clarke;

"Me kape te 6 o nga Tuuturu kia whakanohoia ai ko tenei;

"Ka oti te whiriwhiri tetahi tangata, ekore ia e tu hei Hinotamana kia taea ra ano te ra tuatahi o Hanuere; ekore hoki e tu tonu hei Hinotamana i te mea kua pahure te 31 o nga ra o Tihema o te tau i whakaturia ai ia hei Hinotamana."

Whakaaetia ana.

Korerotia ana te 7 o nga Tuuturu, whakaaetia ana.

Korerotia ana te 8 o nga Tuuturu, a ka whakaaria e Archdeacon W. L. Williams, ka tautokona e Rev. Tamihana Huata;

"I te mutunga o te ki nei, "i te mate," me whakanoho tenei, "he mea whakawatea marire ranei nana;" me kape hoki tenei, "i te matenga," me whakanoho hoki tenei, "i te wateatanga o te nohoanga."

Whakaaetia ana.

page 12

Korerotia ana te 9 o nga Tuuturu, whakaaetia ana.

Korerotia ana te 10 o nga Tuuturu.

I whakaaria e Rev. E. B. Clarke, i tautokona e Epiniha Waikaaho;

"Me kape te 10 o nga Tuuturu."

Whakaaetia ana.

Korerotia ana te 11 o nga Tuuturu, whakaaetia ana.

Whakahokia ana ko te Hinota, a ka whakaaturia ki te Hinota nga mahi a te Komiti e te Upoko.

I whakaaria e Archdeacon W. L. Williams, i tautokona e Rev. R. Kawhia.

"Kia whakatuuturutia e te Hinota nga tikanga mo te whiriwhiringa o nga Hinotamana i mahia e te Komiti."

Whakaaetia ana.

Ka oti te whakapuaki tetahi kupu whakaari, ka nukuhia te Hinota ki te 3 o nga haora o te Parairei, o te 4 o nga ra o Maehe.