Te Pukapuka
A Nga Tangata O Tokomaru Mo To Ratou Wahi Kia Motuhia Hei Pariha.

He pukapuka na nga tangata o Tuatini, o te Pakirikiri, o te Ariuru, o Tangoiro, o Marahea, o Anaura, ki te Hinota o te Pihopatanga o Waiapu.

He hiahia no matou, no nga tangata o nga kaainga e whakahuatia nei, kia motuhia matou hei Pariha i runga i te Ture a te Hinota mo te motuhanga i nga Pariha.

He whakaatu atu tenei na matou i nga mea kua oti te kohikohi e matou mo te Whangai Minita, £184 2s. 3d. He whakaae hoki na matou ki te ki a te Hinota o tenei Pihopatanga i te tau ka pahure nei, kia waiho te Parairei hei ra mahinga ma matou i te mahi a to matou Minita, kia mama ai tera ki te mahi i ana mahi ake. A ki te whakaputaia ketia tenei tikanga e te Hinota ma matou e whakarite ta te Hinota e ki ai.

Ko nga rohe ka oti nei te whakatu e te Runanga, kei Waimahuru tetahi pito, kei Ananra tetahi pito.

Na matou, na nga tangata o nga kaainga e whakahuatia i runga ake nei tenei pukapuka, na te Runanga katoa o Tuatini, na te Runanga katoa o te Ariuru, na te Runanga o Tangoiro, na te Runanga o Marahea, na te Runanga o te Pakirikiri, na te Runanga o Anaura.