page 3

“Gle Malaga 'Ave Toga”

[gap — reason: unclear] le alii e ona le afafine poo le taupou, o le a faaali atu i ona aiga, e logo fo'i ma le nuu, o le a fai Toga o lona afafine. Ua faaputu ana Toga, o le a gasolo ane ona aiga ma Uo, faapea fo'i faleupolu ma isi alii o le nuu ma Toga, Siapo, fala &C. I le o ona aiga tetele ma isi alii e tatau ona faaaloale i ai ua sii ane a latou fai Toga e le a toe foa'i i ai e le alii ua pogai ai Toga o nisi Toga taua lava, a'o le'i i ai e le alii ua pogai ai Toga o nisi Toga taua lava, a'o le'i aveina le nanu Nunu o lona afafine. O toga na e ta'ua o “Mea Sa” poo “Tofa” o se isi alii e alu ane ma se 'ie toga e tasi, ae toe maua atu fo'i lona “Mea-Sa”. A maea ona fai lena faiga-toga ona faato'a alu ai lea o le Malaga. E tele selau o tagata e o i se malaga faapena o se Nunu o se taupou. [gap — reason: unclear] alii ma tulafale, fafine, taulele'a ma le Aualuma atoa ma tamaita'i. [gap — reason: unclear] mea ua ave i lena Malaga o 'ie toga pe 100 ae oe lava i le 1000, sciapo ma fala e tele. Ua nofo sauni mai le alii ma ona aiga ma le Nuu poo le Itumalo i le faataliga mai e le Malaga. Ua taunuu le Malaga ua sau le solo umi lava e atu tasi, ua teuteu lelei ma ua laei 'ie toga e le taupou ma le Aualuma, fafine ma taulele'a e oo lava i Matai. A'o alu ane lena Solo, a ua sisiva mai ma pisapisao fafine o le nuu o le alii i le faasao atu i 'ie toga ma viiga o le tama'ita'i e ona le Nunu. Ua fasilafa'i itu e lua (paolo) ma le fiafia. Ua tala le api i le nuu poo le Itumalo atoa. Ua la'u mai mea taumafa e matua tele, ma o le a faapea lava ona faasaga i ai aiga o le alii ma lona nuu ma le Itumalo i le tausiga o lena fia o selau o tagata i le vaiasosa e tasi pe lua. E matua tele na'ua pevi, pua'a, moa, talo ma fa'i ma niu o le a faai'u ai lo latou ola i lena sauniga. Ae le taumate le tele o le Aitalafu mo mea taumafa Papalagi. Aua o taumafa e tele ua sailia mo lea aso ma lea [gap — reason: unclear] ase e tusa ma mea ua faailogaina e i ai le talifaufau, o le aso o le aiga, o le aso o zo faleupolu, o 'ava taeao, o le 'ai a api, o le taliga ma le Umufono, o le ta'iina [gap — reason: unclear] le Sua, o le 'ai-ava atoa ma le Taalolo ma le Laulautasi. E le gata i mea page 4 taumafa, a ua saoina fo'i tupe i le itu a le alii, ma ua tufatufa atu muamua nisi tupe i faleupolu o le Malaga, e ta'ua na o “Lafo o Tulafale”. [gap — reason: unclear] po o aso o le Nunu ua fai ai lava poula o pese ma siva ma faiga mea i le va o itu e lua. Aemaise lava fo'i o le tasi tu faatamalii Samoa e uiga i le “faiga o le aiga” a le Ulugalii fou. [gap — reason: unclear] aso mulimuli o le a Nunu, o le a fai ai le taalolo ma fai ai fo'i ma Taga. [gap — reason: unclear] le aso fo'i lea o Lauga uumi a Failauga o itu e lua. (E masani ona tutupu ai taua ona o nisi Lauga). Ua faafeagai itu e lua i le Malae, ua tu atu le Failauga o le itu o le tane, ua laulau atu o tupe ua faatatau mo lea mea ma lea mea e i ai le Mama o le Faaipoipoga, o le Ofu, o le Faamalu, o le Fusa ma le Ta 'inamu, o avega a le Matua-tane ma le Matua-fafine. A tuu faatasi e maua lava le E200 e oo i le E1000 e ave ai fo'i va'a poo nisi lava. moa.

A mae'a atu mea a le aiga o le Alii, ona tu mai fo'i lea o se Failauga o le itu a le tama'ita'i ua lauga mai ma laulau mai foi a latou Toga. E man muamua Toga e ta'u o Toga [gap — reason: unclear] ole Malae. o Lafo ia o Faleupolu - ona faasolo mai ai fo'i lea o Toga o le Faaipoipoga. [gap — reason: unclear] 'ie nofo-va'a, 'ie-avaga, 'ie-tafao, 'ie o le po, o Laufau, Anoi ma Anoi-mau, o 'ie faatupu ma 'ie o avega a le Matua tane ma le Matua fafine. Ua tuuina mai ai fo'i Siapo, fala ma nisi lava mea eseese. A uma mai Toga o le Faaipoipoga, ona fai lea o Toga o api, sosoo ai ma le Taui'ato. [gap — reason: unclear] le faai'uga lena o le Nunu. Ua maua Toga, Siapo, fala &C e le itu a le tane moi le itu a le tame 'ita'i. Ua maua fo'i tupe, Vaa &C e le itu a le tama'ita'i mai le itu a le alii. Ua fo'i le Malaga ma faasoa a latou tupe, ona faa-savali lea ma moemoe solo i nuu uma e va a'i ma lo latou nuu moni pe tasi fo'i pe lua vaiasosa o faa-savali le Malaga. A ua nonofo foi le itu o le alii ma ona aiga ma faasoa o latou Toga.

[gap — reason: unclear] le faasoaga o tupe ma Toga o Nunu, e malilie ai lava ma fiafia nisi, ae muimui fo'i ma ita nisi. E maua fua ai mea a isi, a ua le tauia mea a isi. E tau le asa le Nunu ma le misa ma maseiga o tutupu ai.