New Zealand: Acts affecting Native Lands, 1886, 1888-91 and 1894-95

He Ture hei whakatikatika i nga Ture Whenua Maori

He Ture hei whakatikatika i nga Ture Whenua Maori.

Ka Meingatia Hei Ture e te Runanga Nui o Niu Tireni e noho huihui ana i roto i te Paremete i runga i tona mana, ara:—

1.

Te Ingoa Poto o tenei Ture ko "Te Ture Whakatikatika i nga Ture Whenua Maori, 1895."

2.

Mehemea kaore e rereke ana te hangai i nga tikanga o tenei Ture, koia nei te whakamaoritanga o nga kupu e whai ake nei, ara:—

"Tono whakawa tuarua" e uru ana ki tenei nga tono whakawa tuarua kua kiia nei he tono whakawa tuarua i raro i te tekiona iwa tekau ma wha o taua Ture:
"Te Ture" tona tikanga ko "Te Ture Kooti Whenua Maori, 1894":

Mehemea kaore e rere ke ana te hangai i ona tikanga, me pena tonu te ritenga o nga kupu e korerotia ana i roto i tenei Ture me te ritenga o aua kupu ano i roto i te rua o nga tekiona o taua Ture.

Ko nga wahi o tenei Ture, e pa ana ki te Kooti Whenua Maori me te Kooti Whakawa Tuarua, me korero tenei Ture ano he Ture kotahi raua ko taua Ture.