Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

New Zealand: Acts affecting Native Lands, 1886, 1888-91 and 1894-95

Wahi II. — Whakahau I Nga Tamariki Kia Haere Ki Nga Kura Maori

Previous Section | Table of Contents | Up | Next Section

Wahi II.
Whakahau I Nga Tamariki Kia Haere Ki Nga Kura Maori.

12.I roto i tenei Wahi o tenei Ture e penei ana te tikanga o enei kupu e whai ake nei:—

"Kura Maori" e uru mai ana ki nga tikanga o enei kupu nga kura e whakahaerea ana mo nga Maori me nga hawhekaihe i raro i te mana o te Minita mo nga Kura:

"Komiti" tona tikanga ko te Komiti mo tetahi kura Maori i pootitia i raro i nga tikanga e whakaritea ana i ia wa e te Minita mo nga Kura hei whakahaere i nga kura Maori:

"Tiamana" tona tikanga ko te tangata e pootitia ana i ia wa e te Komiti o te Kura Maori hei Tiamana mo taua Komiti, a ko te tiwhikete mea tuhituhi e te Minita mo nga Kura hei tohu tika ko te tangata e whakahuatia ana i roto te Tiamana.
13.Ko ia tamaiti Maori hawhe-kaihe ranei, mehemea he tamaiti Pakeha kua whakahaua i raro i nga tikanga o tenei Ture kia haere ki te kura, me haere ia ki tetahi kura Maori, kia ono rawa taenga i te wiki kotahi, i raro ano i nga tikanga mo nga whakaaetanga kia kaua e haere ki te kura i raro ano hoki i nga tikanga utu whiu me era atu tikanga kua whakaritea nei i te Wahi Tuatahi o tenei Ture, engari koia nei nga mea i rereke, ara:—
(1.)Ko nga mahi e whakaritea ana i roto i tenei Ture kia mahia e nga Komiti mo nga Kura Kawanatanga me mahi e te Komiti mo te kura Maori.
(2.)Ko nga whakawa a nga Komiti ma te Tiamana e whakahaere.
(3.)Ko nga moni e puta mai ana i nga utu whiu me utu ki te Kaute Moni o te Kawanatanga, a me utu ki te kaute moni mo nga Kura Maori.page 4
(4.)Mehemea kua taea e tetahi tamaiti te matauranga e huaina ana ko te Matauranga Tuawha o nga Tikanga Kura Maori, ka mana tera hei take e ahei ai te tuku tiwhikete whakaae kia mutu te haere a taua tamaiti ki te kura.

Previous Section | Table of Contents | Up | Next Section