[ko te tohutoro i roto i te reo Pākehā]
page 1Niu Tireni. "Te Ture Paaka Mo Te Iwi Katoa I Tongariro, 1894."
Whakawhaititanga.
Ingoa. | |
1. | Ingoa Poto. |
2. | Mo te tukunga o te whenua e nga tangata no ratou te whenua; te whenua katoa e tai awhio ra i Ruapehu me Tongariro kia panuitia hei paaka mo te iwi katoa. |
3. | Nga mana whakahaeretanga ma te Kawana. |
4. | Nga Kai-tiaki mo Tongariro Paaka. |
5. | Ka ahei te Kawana ki te mahi huarahi whakahaere motuhake i raro i tenei Ture. |
6. | Nga moni utu mo nga mahi whakahaere. |
Kupu Apiti. |
He Tore hei Whakamana i te Wehenga o tetahi Wahi Whenua e takoto ana e taiawhio ana i te Maunga o Tongariro hei Paaka Mo Te Iwi Katoa.
Notemea, kua whakamaramatia i te Pukapnka Nama G.—4 Huihuinga II. o te Paremete tan 1887, i tukuna e te Heuheu Tukino, Rangatira o Ngatituwharetoa, i runga i te tiiti hoatu o te rua tekau ma torn o nga ra o Hepetema, tau tahi mano waru rau waru tekau ma whitu, i tukuna e ia ki a te Kuini era wahi, e tae ana ki te ono mano rima rau ma waru eka, nui atu iti iho ranei, o nga whenua e whakahuatia ana i te Kupu Apiti ki tenei Ture hei Rahui Paaka mo te Katoa:
A notemea hoki ko nga toenga o aua whenua kua whakahuatia peratia e hara i te tu whenua e puta ai he painga ki nga Maori whaitake ki aua wahi, a kei te hokona hoki i ia wa e te Kuini, ara kei te hokona nga paanga me nga hea o aua Maori whaitake, kia oti pai ai aua tikanga i hiahiatia i te wa i hoatu ai taua wahi mo te Kuini:
1. | Ko Te Ingoa Poto o tenei Ture ko "Te Ture Paaka mo te Iwi Katoa i Tongariro, 1894." | ||||||||||
2. | Ka ahei te Kawana i roto i tona Kaunihera, i runga i te tikanga tuku Panuitanga i roto i te Kahiti, ki te ki ko nga whenua katoa i roto i te takiwa whenua katoa e mau ana te whakaaturanga i roto i te Kupu Apiti ki tenei Ture ka tau ki a te Kuini, timata atu i te ra i puta ai taua Panuitanga, hei paaka mo te iwi katoa i raro i tenei Ture, a ka huaina ko "Tongariro Paaka mo te Iwi Katoa"; a ka kiia hoki, timata atu i te ra i puta ai taua Panuitanga, kua kore atu nga take paanga o nga Maori i runga i taua whenua katoa. | ||||||||||
Mehemea ka kitea, a te ra e puta ai taua Panuitanga pera, tera ano etahi Maori whaitake ki aua whenua, kahore ano o ratou hea paanga ranei kia riro page 2noa i te Kuini, ki te kore e taea te whakariterite nga utu mo aua hea whaipaanga, ka ahei te Kawana ki te whakahau kia kimihia te nui o nga moni utu o aua paanga i raro i nga tikanga o nga ture e mana ana i ia wa mo runga mo te kimi i te tikanga whakaputa moni utu ki nga Maori mo nga whenua e tangobia ana mo nga mahi nunui o te koroni. | |||||||||||
A mo runga mo nga tikanga o aua tekiona ka kiia ko nga whenua e tangohia ana i raro i tenei Ture e tangohia ana mo runga mo tetahi mahi nui o te Koroni, i raro ano i nga tikanga o "Te Ture mo nga Mahi Nunui o te Koroni, 1882." | |||||||||||
3. | Ko taua paaka ka tau ki raro ki te mana whakahaere o te Kawana, a mana e whakahaere nga whenua katoa i roto i nga rohe o taua whenua ano he whenua no te Karauna. | ||||||||||
Ko nga tangata katoa e haere ana ki reira noho noa ai noho tuturu ai ranei i runga i taua whenua i tetahi wahi ranei o taua whenua, haunga ia i runga i nga tikanga ka whakamaramatia a muri ake nei, ka kiia e takahi ana i nga tikanga o te ture a ka pana atu i reira. | |||||||||||
4. | Ko te Minita mo nga Whenua o ia wa me te Tino Tumuaki Kairuri, te Tumuaki Kai-whakahere o te mahi rapu i nga kohatu me etahi atu mea whai tikanga o roto i te whenua, hui atu ki a Te Heuheu Tukino tamaiti rangatira Maori o te Iwi o Ngatituwharetoa, iwi Maori tuturu o Niu Tireni, me etahi atu tangata ma te Kawana e whakatu, ka whakaturia ikonei hei Kaitiaki mo taua paaka, a mo runga mo te whakahaere i taua paaka ka tukua hoki ki a ratou nga mana katoa e ahei ana te Kawana ki te tuku i raro i "Te Ture Whenua mo te Katoa, 1881," ki nga kai-tiaki o nga whenua o te katoa hei mana whakahaere mo ratou i aua whenua.
|
||||||||||
5. | Ka ahei te Kawana i roto i tona Kaunihera i ia wa i ia wa ki te whakarereke ki te whakakore ranei i tetahi i etahi huarahi whakahaere ranei e whakaarohia ana e ia e tika ana kia peratia kia pai ai te whakahaere i nga tikanga o tenei page 3Ture, me te whakahaere pai i nga mahi o tau paaka, a i runga i aua huarahi whakahaere ka ahei ia ki te whakaeke whin mo te takahi i aua huarahi whakahaere, kaua ia aua whiu e neke ake i te rima pauna, a ka ahei ano hoki ia ki te whakarite i nga utu hei tononga ma te Poari mo te haere o te tangata ki runga ki te whenua me etahi atu mea, i runga ano i tana i whakaaro ai he tika, kia hei ai te whakahaere i nga tikanga o tenei Ture. | ||||||||||
6. | Ko nga moni utu mo te whakahaere i nga tikanga o tenei Ture, me ahu mai i roto i nga moni utu e puta mai ana i roto i nga whiunga, me nga utu i whakataua kia utua mo te haerenga o te tangata ki runga i taua whenua i raro i tenei Ture, hui atu ki nga moni e hua mai ana ki te Poari i ia wa i ia wa i raro i "Te Ture Whenua mo te Katoa, 1881," me te apiti atu ano i nga moni e whakaritea ana e te Paremete i ia wa i ia wa mo taua mahi whakahaere. |
Kupu Apiti. Tongariro Paaka mo te Iwi Katoa.
Ko tera whenua katoa i roto i nga Kaute o Taupo ki te Rawhiti, o Taupo ki te Hauauru me Whanganui, ko te nui ki ta te kai-ruri e 62,300 eka, nui ake iti iho ranei, ara ko te whenua e taiawhio ana i te Tiriki H i runga o Ruapehu, i roto i te wha maero te tawhititanga atu i taua Tiriki taiawhio noa, hui atu ki te whenua i roto i te porohita e 3 maero te tawhititanga o nga taha katoa i te Tiriki D, i runga o Ngauruhoe, hui atu ki te whenua i roto i tetahi porohita e 3 maero te tawhititanga o nga taha katoa i tetahi wahi i runga i te raina e hono ana i nga Tiriki D me O (i runga o Ngauruhoe me Te Mari) e rua maero me te hawhete tawhiti atu i D, a kahore i uru ki te porohita e taiawhio ana i D; tera wahi ano hoki e rua maero te whanui kei waenganui i nga porohita e taiawhio ana i H me D e wahia ana i waenganui tonu e tetahi raina e hono ana i aua Tiriki i H me D: engari ka wehea ki waho o nga eka kua whakaaturia ake nei te whenua ko Ketetahi Rahui te ingoa, e 20 nga eka ki te whakaaro, nui ake iti iho ranei, kei roto nei i tetahi Ota o te Kooti Whenua Maori i mahia ki Tapuaeharuru, Taupo, i te 24 o nga ra o Hepetema, 1887, e whakaatu ana.
page break