Title: New Zealand: Acts affecting Native Lands, 1886, 1888-91 and 1894-95

Part of: He reo ture nō te Whare Paremata / Statutory language

License: Creative Commons Attribution-Share Alike 3.0 New Zealand Licence

Share:

Kupu Apiti. Tongariro Paaka mo te Iwi Katoa.

Ko tera whenua katoa i roto i nga Kaute o Taupo ki te Rawhiti, o Taupo ki te Hauauru me Whanganui, ko te nui ki ta te kai-ruri e 62,300 eka, nui ake iti iho ranei, ara ko te whenua e taiawhio ana i te Tiriki H i runga o Ruapehu, i roto i te wha maero te tawhititanga atu i taua Tiriki taiawhio noa, hui atu ki te whenua i roto i te porohita e 3 maero te tawhititanga o nga taha katoa i te Tiriki D, i runga o Ngauruhoe, hui atu ki te whenua i roto i tetahi porohita e 3 maero te tawhititanga o nga taha katoa i tetahi wahi i runga i te raina e hono ana i nga Tiriki D me O (i runga o Ngauruhoe me Te Mari) e rua maero me te hawhete tawhiti atu i D, a kahore i uru ki te porohita e taiawhio ana i D; tera wahi ano hoki e rua maero te whanui kei waenganui i nga porohita e taiawhio ana i H me D e wahia ana i waenganui tonu e tetahi raina e hono ana i aua Tiriki i H me D: engari ka wehea ki waho o nga eka kua whakaaturia ake nei te whenua ko Ketetahi Rahui te ingoa, e 20 nga eka ki te whakaaro, nui ake iti iho ranei, kei roto nei i tetahi Ota o te Kooti Whenua Maori i mahia ki Tapuaeharuru, Taupo, i te 24 o nga ra o Hepetema, 1887, e whakaatu ana.

page break