Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

New Zealand: Acts affecting Native Lands, 1886, 1888-91 and 1894-95

(1.) Nga Tikanga

(1.) Nga Tikanga.

16.Me tu te Kooti i nga wa, ki nga kainga ranei, e wha-karitea ana e te Minita i runga i te panui he mea whakaputa i runga i ona tikanga. I mua atu o te wa i whakaritea hei timatanga mo te tuunga o te Kooti ka ahei te Minita ki te whakanuku i taua tuunga ki tetahi atu wa ki tetahi atu kainga ranei e whakaarohia ana e ia he tika. I muri i te tuwheratanga ka ahei te Kai-whakawa whakahaere i te Kooti, a ki te ngaro atu te Kai-whakawa, ka ahei te tangata e tu ana i taua wa hei kai-tuhituhi mo te Kooti ki te nuku atu i taua Kooti ki tetahi wa ki tetahi wa, ki tetahi kainga ki tetahi kainga ranei, a ka ahei ranei te nuku pera ano tetahi wahi etahi wahi ranei o nga mahi i panuitia kia mahia i tetahi tuunga pera o te Kooti, ki te nuku ranei mo tetahi atu takiwa.
17.Me whakahaere te mana o te Kooti mo tetahi mea i runga i te tono i tuhituhia e tetahi tangata e ki ana e whai paanga ana ia ki taua mea, a, i te wa e whakahaerea ana tetahi tono, ahakoa kaore he tono hou, a i runga i ta te Kooti huarahi i mohio ai e tika ana hei whakaatu i taua mea ki nga tangata e whai take ana, ka ahei te Kooti ki te whakahaere i tetahi i etahi ranei o ona mana e mohio ana ia e tika ana e pai ana ranei kia whakahaerea; a ka ahei te Kooti i runga i tana i mohio ai, ki te whakawa i katoa i tetahi anake i etahi anake ranei o nga putake o tetahi tono, a ki te whakaputa ota motuhake mo tetahi anake mo etahi ranei o aua putake, a ka taea tetahi tono te whakakore, a ka taea hoki (ana whakaae te Kooti) te whakatikatika te whakamaha ake ranei nga kupu o roto, te unu ranei ki waho i katoa i tetahi wahi ranei o taua tono; a ka ahei hoki te Kooti ina oti tetahi wahi o tetahi mea e whakawakia ana ki te whakaputa i tetahi ota-tarewa i runga i tana i mohio ai e tika ana e pai ana ranei.
18.Ka ahei te Kai-whakawa e noho ana ko ia anake ki te whakahaere i nga mana katoa o te Kooti, otira ina whakahaerea e ia te mana o nga wawahanga tuatahi, tuarua, tuawha, tuarima, tahi tekau ranei o te tekiona tekau ma wha o tenei Ture me noho tetahi Ateha hei hoa mona, engari ehara i te mea me matua whakaae atu te Ateha ka mana ai taua whakataunga.
19.Ka ahei te whakawakanga i timataria ki te aroaro o tetahi Kai-whakawa, o tetahi Kai-whakawa ranei raua ko tetahi Ateha, te whaakhaere ki te aroaro o tetahi atu Kai-whakawa o tetahi Kai-whakawa me tetahi Ateha ke atu ranei.
20.Ekore e tika kia tu tetahi roia tetahi kai-whakahaere ranei mo te taha ki tetahi tangata hei hoa mona i roto i te Kooti ki te kore e matua whakaaetia e te Kai-whakawa whakahaere. Ka taea ano hoki taua whakaaetanga te whakakore.