New Zealand: Acts affecting Native Lands, 1886, 1888-91 and 1894-95
Wahi XII. — Nga Tikanga Whakahaere
Wahi XII.
Nga Tikanga Whakahaere.
101. |
E ahei ana te Tumuaki Kai-whakawa i ia wa i ia wa, i runga i te whakaae a te Kawana i roto i tena Kaunihera, ki te hanga ki te whakatakoto, ki te whakatikatika, a ki te whakore ranei i nga tikanga whakahaere me te ahua o nga ritenga mo nga mea katoa kua eke nei, tera ranei e eke te mana o Te Kooti, o te Kooti Whakawa Tuarua ranei, ki runga, me etahi atu tikanga hoki hei whakahaere i nga tangata katoa e mahi ana i raro i tenei Ture, a, hei whakahaere i nga tuunga o te Kooti me te Kooti Whakawa Tuarua, hei whakariterite hoki i nga moni hei utu i raro i tenei Ture me te wa me te huarahi e utua ai. Ko aua tikanga whakahaere me ona whakatikakanga me ona whakakorenga ranei me panui ki roto ki te New Zealand Gazette i roto i te marama kotahi i muri iho o te whakaaetanga o aua mea, a, me whakatakoto aua mea ki runga ki te tepu o Te Whare Runanga me te Runanga Kaunihera i roto i nga ra kotahi tekau i muri iho i te ra tuatahi i huihui ai te Paremete i muri mai o te panuitanga o aua mea. A kia whakaaetia ra ano aua tikanga whakahaere e te Kawana i roto i tena Kaunihera, me mau tonu te mana o nga tikanga whakahaere kua hanga nei i raro i tetahi atu Ture kua whakakorea nei e tenei Ture, a, e whaimana nei i te wa i whakamana ai tenei Ture. |
102. | Ko nga moni e utua ana i raro i tenei Ture me utu atu ki te Kaute a te Katoa hei tapiri atu ki nga Moni Huihui a Te Koroni. |