96. | Mehemea ka puta he patai i te Hupirimi Kooti mo tetahi take tika, tikanga ritenga Maori ranei e eke ana ki runga ki nga paanga o te Maori ki tetahi whenua ki tetahi whenua Maori ranei, ki tetahi atu taonga ranei, ka ahei tetahi Kai-whakawa o te Hupirimi Kooti ki te whakaara i tetahi take, ka tuku atu i taua mea ki te Kooti kia whakaaturia e ia tona whakaaro mo taua mea. |
97. | I reira ano me tahuri te Kooti ki te whakatau i taua take i pataia ra ki a ia, a, muri iho me tuku he tiwhikete ki te Kai-Rehita o te Hupirimi Kooti hei whakaatu atu i tena whakaaro.page 24 |
98. | Ka whaimana tetahi o nga Kai-whakawa o te Hupirimi Kooti, mehemea ka whakaaro ia e tika ana, ki te whakahoki atu ano i taua take i whakataua ra kia whiriwhiria ano e te Kooti. |
99. | Ko nga tikanga katoa o tenei Tare mo ranga i te whakawa me te whakatau i nga take i tukua ki te Kooti, me te whakawa tuarua hoki, ara, i runga i nga mea e taea ana te pera, me whaimana hei whakawa hei whakatau i nga take e tukuna peratia ana. |
100. | Ko te whakatau a te Kooti, a te Kooti Whakawa Tuarua ranei, te whakatau whakamutunga ranei i runga i te hoatutanga kia whiriwhiria ano, me riro atu, a, me whakamana e te Hupirimi Kooti, a, koia ra he kupu tuturu whakaoti rawa i te take i pataia atu ra. |