Ko ia tangata nga tangata ranei e whakamana ana e te Minita kia tu hei kaiwhakahaere mo nga take o te Karauna i te aroaro o te Kooti Whenua Maori, ka ahei mo te taha ki te Karauna, ki te tuku tono ki te mahi i nga mea katoa e tika ana kia mahia e ia tangata e whai kereme ana mo tetahi paanga ki tetahi whenua, whenua Maori ranei i raro i te mana o tenei Ture, ahakoa kaore te Karauna i te whai-kereme mo tetahi paanga ki te putake o taua tono, mahi, tiiti, mea, aha ranei.

Ko nga mahi o te Karauna i te aroaro o te Kooti e tika ana kia mahia ko era i te tuatahi.

Ka ahei noatu tetahi Minita o te Karauna i tana wa e pai ai ki te teno ki te Kooti kia kimihia te hea i roto i te whenua, i riro mai i a Te Kuini i mua atu i muri iho ranei i te mananga o tenei Ture, a mo runga i taua tono me rite tenu te mana o te Kooti ki tena mana e mana ai ia mo era atu whakahaere, a mana e mahi tana ota mo taua mea i runga i tana i kite ai he mea tika.

Ko te whenua e whakataua ana e taua ota kua riro i a Te Kuini ka kiia no te ra i mahia ai taua ota, no tetahi atu ra ranei, i whaka-whiwhia ai ki a Te Kuini hei whai paanga mona ki te whenua e whakahuatia ana e taua ota. A mehemea he teenga to taua whenua, ka ahei te Kooti ki te whakaputa ota hei whakaatu ko taua toenga kua whakataua hei whenua mo nga tangata e whakahuatia ana i roto i taua ota, haunga ia nga tangata i tuku i o ratou hea, kaore era e uru ki taua ota. A, ka taea noatu aua tu ota te rehita i raro i "Te Ture Rehita Tiiti, 1868," i "Te Ture Whakawhiti Whenua, 1885," ranei, a me pera ano ranei te whakahaere mehemea nei he ota rohe-rohe i mahia i raro i tenei Ture, otira kei te ahua o te take te ritenga.