New Zealand: Acts affecting Native Lands, 1886, 1888-91 and 1894-95
He Ture hei whakamana i te Kawana kia ahei ai ia ki te whakaea i etahi Whakaritenga me etahi Whakaaetanga a te Kawanatanga a etahi atu ranei mo te taha ki te Kawanatanga
He Ture hei whakamana i te Kawana kia ahei ai ia ki te whakaea i etahi Whakaritenga me etahi Whakaaetanga a te Kawanatanga a etahi atu ranei mo te taha ki te Kawanatanga.
Ka Meingatia Hei Ture e te Runanga Nui o Niu Tireni e noho huihui ana i roto i te Paremete, i runga hoki i tona mana, ara:—
1. | Ko te Ingoa Poto o tenei Ture ko "Te Ture Whakaritenga Whakaaetanga, Take Maori, 1888." |
2. | Ka ahei te Kawana ki te tuku warati i raro i "Te Ture Tuku Whenua, 1885," hei whakaputa tiwhikete whaitaketanga i raro ano i nga tikanga me nga here (mehemea ra he pera) e whakaritea nei i te rarangi tuarua nei, hei whakapumau i nga whenua e whakahuatia ana e whakaritea ana hoki i roto i te rarangi tuatahi nei o te Kupu Apiti ki tenei Ture, kia pumau ai ki nga tangata kua tuhia nei o ratou ingoa ki te rarangi tuarua o taua Kupu Apiti nei. |
3. | Ko te rarangi rua tekau ma wha i te rarangi tuarua o te Kupu Apiti o "Te Ture mo nga Mana me nga whakaritenga Motuhake, 1886, me korero ano i hoatu ko enei nama "346" ki roto hei whakakapi mo nga nama "345" e mau ra i reira, mehemea nei hoki i hoatu enei nama "1131" ki roto hei whakakapi mo enei nama "1139" e mau ra i reira. |