He Ture hei tuku atu i etahi tikanga ngawari kia Hohua Hone mo runga mo te Poraka o Mokau-Mohakatino.

Notemea i raro i nga ritenga o "Te Ture mo nga mahi Motuhake, 1885," i tukua etahi painga mo tetahi tangata ko Hohua Hone: A notemea e ki ana taua Hohua Hone i whakararua aua painga e "Te Ture Whakahaere Whenua Maori, 1886," a ko etahi o aua whakahaere e mahia ana e ia i whakararua e te Kawanatanga me ona Apiha, na reira ka whakaturia he Roiara Komihana i mua tata nei kia uiuia e nei kupu whakapae a kua oti e taua Komihana te tuku i tana ripoata, na reira e tika ana kia meingatia enei ritenga e whai ake nei:

No Reira ka meingatia e te Runanga Nui o Niu Tireni e noho huihui ana i roto i te Paremete, i runga hoki i tona mana, ara:—

1.	Ko te Ingoa Poto o tenei Ture ko "Te Ture mo Mokau-Mohakatino, 1888."
2.	Ko te tiwhikete whaitaketanga o te Kooti Whenua Maori mo te Poraka o Mokau-Mohakatino No. 1 me whakaputa tonu inaianei.
3.	Me hohoro te Kooti Whenua Maori i muri i te paahitanga o tenei ki te roherohe i taua Poraka Nama I. kia kitea kia whakataua nga hea katoa me nga paanga o nga Maori kua haina i tetahi riihi nga Maori whaitake ki taua Hohua Hone tae atu ki te wa e tu ai te Kooti, a ka ahei te Kooti ki te mea ki Te Tumuaki o nga Kairuri kia hanga kia tukua atu ki te Kooti tetahi mapi whai mana mo te wahi o taua poraka e whakataua ana ki nga Maori kua haina i taua riihi; a ka ahei taua Hohua Hone ki te mahi ki te tono i etahi ia katoa ranei o te hunga whai paanga kaore ano kia haina kia whakaoti i taua riihi.
4.	E whai mana ana taua riihi a taua Hohua Hone kia rehitatia page 47i raro i nga ritenga kua whakaritea e "Te Ture Whakatikatika 1888 i te Ture Kooti Whenua Maori, 1886," e pa ana ki nga hea kua kitea peratia o aua tangata kua haina i taua riihi. E arai ana hoki tenei i te Rehita o te Kooti Whenua Maori, mo nga marama e toru i muri o te whakataunga peratanga o nga whaipaanga, kia kaua e rehita i etahi atu tikanga whakahaere mo taua whenua, engari ano ma te whakaae a taua Hohua Hone.
5.	I raro ano o te Tiwhikete a te Komihana Arai hoko Tahae i nga whenua Maori, ko taua riihi ka kiia he riihi tika he riihi mana mo runga mo nga hea katoa me nga paanga katoa kua kitea kua whakataua peratia, e pangia ana e tukuna ana i roto i taua riihi.
6.	Kaua tetahi atu tiuti e utua e tonoa ranei kia utua i tua atu i nga tiuti kua oti te utu i mua mo runga i taua riihi i raro i "Te Ture Pane Kuini, 1882," i raro ranei i "Te Ture Whakatikatika i te Ture Pane Kuini, 1885."
7.	Kaua he mea i roto i "Te Ture Whakahaere Whenua Maori, 1886," i roto ranei i tetahi atu Ture e kiia kua whakakorea kua pa ranei ki nga mana me nga tikanga e whakataua ana kia Hohua Hone e "Te Ture mo nga Whakamananga me nga Whakaritenga Motuhake, 1885," a me mana tonu ano era.