Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

New Zealand: Acts affecting Native Lands, 1886, 1888-91 and 1894-95

Wahi V. — Nga Utu

page 25

Wahi V.
Nga Utu.

68.Ka ahei te Kooti i runga i etahi whakahaerenga whakawa ki te whakarite nga utu kia utua mai kia puta atu ranei ki tetahi tangata i te aroaro o te Kooti, a ka whakatuturuhia taua moni i runga i te ota.
69.Mehemea kahore e utua taua moni i runga i te ota whakatau ka ahei te tangata e tika ana mana e tango taua moni ki te tamana i tera kahore i utu mehemea nei he moni nama nana.
70.Ka ahei ano te whakahau kia utua nga moni o te whakahaere e te Kawanatanga kia utua atu ranei ki te Kawanatanga.
71.Ma te Kai-tiaki o nga moni o te Koroni e utu i roto i nga moni e puta ake ana i runga i tenei Ture nga moni e whakataua ana kia utua e te Karauna, a mehemea kua whakataua kia utua te Karauna e tona hoa whakawa a kahore e utu, ma taua Kai-tiaki e tamana.
72.Ko te pukapuka whakahaukia utua he moni i te mea kaore ano kia whakarereketia kua whakapiri rawa ki te hiiri o te Kooti, ka mohiotia i kiia i te wa i tuhia ai taua pukapuka i tika kia utua taua moni.
73.Ka whaimana te Kooti ki te whakakore i taua pukapuka whakatau, ki te whakarereke ranei.
74.Ka whaimana te Kooti ki te kii kia whakatakotoria e tetahi hunga e tu ana ki te whakawa tetahi moni e whakaritea e te Kooti he punga mo te utunga i nga moni whakahaere a ka whaimaua te Kooti ki te whakamutu i te whakawa ki te ki ranei kia nohopuku te tangata e kore e whakatakoto i te moni pera.